7.8.2009
放工返婆婆屋企食飯, 同B仔試下套校服, 一試... 嘩... 好可愛呀!!! HAHA...... 着上身, B仔就話唔着唔着~ 唔着都要着架啦~ haha... B仔媽要影相麻~ 好多朋友仔見到B仔呢張相, 話佢成個女仔咁呀! HAHA... 出世至今, 就係呢張相至有人話B仔似女仔呀!!!
舅父仔做臨時攝影師, 用益力多利誘, B仔唔多合作, 又想要支益力多, 結果俾舅父仔好惡咁話咗兩句...... 扁咀仔...... 但唔敢喊...... (舅父仔當時確實好惡呀)
最終見B仔媽係度, 就忍唔住喪喊出黎......
俾支益力多佢即時變面, 笑晒......
喊 -> 笑 -> 喊 -> 笑...... 不繼係咁變面...... 都係影唔到張靚既學生相!!! 算啦~ 唯有放棄!!!
跟住換咗套運動裝, 好醒神呀!!!
B仔媽將個相機袋俾B仔孭住, 話孭書包返學, B仔好開心咁孭住個"書包"四圍行, HAHA... 好得意呀!!! 希望你返到學校都係咁HAPPY啦~~~
唉... B仔媽開學日攞唔到假陪B仔去返學呀!!! 話晒係第一次麻~~~ 真係好遺憾呀!!! 唯有將呢個神聖任務交託俾B仔爸!!!
B仔著起校服個樣真係好醒目呢!
回覆刪除B 仔都幾好戲喎... 跟邊個學gar? 著住校服真係cute 啲喎... 你confirm 嗰日放唔到假 lar 咩?
回覆刪除套校服真的很女仔
回覆刪除[版主回覆08/10/2009 14:33:00]係囉~
運動服好sharp醒呀~~~~~
回覆刪除[版主回覆08/10/2009 16:31:00]係呀, haha...
Total 買左幾多件校服和運動衫呀?
回覆刪除小喬個間幼稚園N1只需著運動衫, 買左兩套+一件冷衫咋..
[版主回覆08/11/2009 22:12:00]買咗一套校服, 一套運動衫同埋一件冷衫囉~
小喬個間幾好喎! 淨係着運動衫~ VERY GOOD呀!
我仲要買一對黑皮鞋同一對白波鞋呀 =.=""" (破產)
嘩....著運動服型仔啲喎 ...
回覆刪除[版主回覆08/12/2009 10:57:00]係呀, HAHA......
B仔著左套校服後, 當堂大個仔左好多啊~~
回覆刪除[版主回覆08/13/2009 09:28:00]係呀! HAHA