27.4.2009
429係B仔爸同B仔媽註冊三週年既日子, 當日B仔爸要返工呢~ 咁啱B仔又係度, 所以提早今晚慶祝!
本來想去食buffet, 之但係唔平, 唔多合乎經濟原則(呢輪洗多咗呀, 要慳d呀!!!) 結果去咗元朗泰屋食泰菜~~~
去到坐低無幾耐B仔就嘈要人抱佢行下, 唔抱佢就嘈, 於是搵嘢分散佢注意, 有得玩就係度笑, 仲笑得好開心呢~
之但係到開餐時, B仔超唔合作, 係都要人抱佢去行, 去睇車車, 嘢又唔食, 唔理佢就係度大叫, 好彩係坐室外, 好彩唔係去高級餐廳食咋~ 真係俾B仔激C啦~~~ 呢晚之後, 同B仔出街食飯都要考慮下去唔去呀! 無必要都咪搞啦~ 好樣衰呀! 
我地今晚叫咗.......
肉骨茶 (麻麻地~ 咸咗D~)
咖喱海鮮南瓜 (好好味呀! 又唔太辣, 啱晒我地, D汁沾印度薄餅一流呀!!!)
牛油薄餅 (正呀!)
蝦醬炒飯 (又係好正呀!)
馬拉箋通菜 (好香好好味! 呢碟菜都唔知有無半斤呀! 賺C佢啦~)
食飽飽就返婆婆屋企lu~~
咁快就三年 lar...有慶祝己經係一件好好ge 事... 我記得我除咗結婚一週年有慶祝過之外.. 都冇再理會過週年紀念呢樣嘢..
回覆刪除出到街食飯,B 仔肯唔肯食街外嘢呢? 好多小朋友喺大人食飯時都坐唔定.. 我嗰件如果有嘢俾佢食, 有嘢玩 , 或有人俾佢social 下都ok.. 如果B 仔坐唔定, 真係要搵啲嘢俾佢忙下至得..
[版主回覆04/29/2009 21:46:00]haha... 間唔中搵d嘢黎慶祝下調劑一下苦悶既生活麻~
佢肯食街外嘢架~ 其實一直我主張食嘢唔抱佢離開坐位架, 佢飲茶可以由頭坐到尾, 因為食到尾丫麻~ 一定唔可以抱佢睇魚! 之但係....... 呢晚係咁嘈, b仔爸抱佢去睇嘢, 咁就lai嘢~
下個月輪到我3週年啦! 都仲未諗到到時點慶祝!
回覆刪除[版主回覆04/29/2009 21:44:00]哦~~~ SO GOOD~~~
去大尾篤食泰菜丫~ 都唔錯架~~
Ryan 次次出街食飯, 又係坐唔定, 坐唔夠一陣就要離開張Chair, 係咁嘈要去街街, 要人同去出去, 激死人, 所以次次都要輪流同佢出去! 攪到無啖好食!
回覆刪除[版主回覆04/30/2009 16:23:00]係囉~ 食嘢好似自己去食咁~ 幾無癮呀!
帶小朋友出街食飯係麻煩少少，但唔帶吓佢出去，佢始終係唔會習慣的。
回覆刪除