復活節假期第一天

10.4.2009

今朝婆婆過咗黎飲茶, 跟住一齊去買餸, 煲埋竹蔗茅根甘筍馬蹄水, 嘩~ 好味呀~ B仔飲咗兩杯呀!

婆婆仲幫B仔媽準備餃子餡料, 包餃子呢個工作就落係B仔媽手~

四點幾婆婆就過元朗, 約咗姨婆們食私房菜呢~ B仔媽就帶咗B仔去遊戲室搵柏滔同埋柏軒玩呢~~~

去到遊戲室就見到柏滔係度跑呀~ 叫呀~ 超興奮! B仔都唔輸蝕, 一齊跑呀~ 跑呀~

好不容易至影到佢地二人所謂既合照, HAHA.......

騎下車仔先~~~

又坐下馬仔先~~

B仔好開心呢~~~

好好好不容易至影到張咁"試正"既相呀~~~

初初去到時已有班小學生既小朋友係度跑跑跑, 都唔明, 個場館亞姐係完全唔阻止佢地, 三個BB係度架麻~ 兩個BB係度走走走(至乖係柏軒), 班細路又跑跑跑, 又唔會睇路, 差D撞到BB們添呀~~~

有個細路仲衰(估計大約三四年班啦), 見柏滔叫得咁興奮, 佢又跟住柏滔一齊尖叫, 係咁係度高八度尖叫, 無啦啦走黎B仔面對, 面對面近距離對住B仔高八度尖叫, B仔媽真係火都離埋, 確實忍唔住呀! 唔係講笑真係刺耳架~ 咪即時對住個細路講: "唔該你唔好係度尖叫!" 當然語氣唔多友善啦~ 因為友善係無用架! 佢地係唔會聽! 之後個細路就唔敢埋B仔身, 之但係柏滔就慘D, 個細路係咁黐住佢~ haha...

都唔知點解, 班細路雖則唔係細, 但又唔算大, 之但係完全無家長睇住架喎?! 真係咁放心?!

玩咗一陣就各自回家lu~~