復活節假期第三天

12.4.2009

今日無節目, 瞓醒去咗大埔墟街巿食聞名已久好味豬扒麵, d豬扒又確實幾好味! hehe... 成碗麵, B仔食咗半碗, B仔媽食得半碗, 查實都唔夠喉呢~

食飽飽, 又諗唔到有咩地方好去, 正諗住去大尾篤行下, 龍叔叔就電B仔爸, 話去粉嶺假日農場玩~ 話個度好多嘢小朋友玩呢~

入到門口已聽到小朋友既尖叫聲、笑聲~ 個度環境都OK, 有d遊戲設施俾小朋友玩, 不過啱大個小朋友玩多d~

見到有吊床, 放咗B仔上去搖佢, 初初都無乜嘢, 搖搖下拍自己心口話驚, 要B仔媽抱佢落黎呢~ B仔爸就好嘆咁攤係另一張吊床度搖呀~ 搖呀~

草地上有幾個波波, B仔見到又執又掉, 笑到卡卡聲呢~

隻手掂到d泥, 覺得污糟, 那埋口面要B仔媽/爸幫佢整走佢呢~ B仔媽教B仔拍拍手拍走d泥, 佢跟住自己拍呢~ haha...

B仔仲記得上次去大帽山, B仔爸教佢執石仔掉呢~ 佢自己見到地上有石仔, 自己踎係度執同掉, 又笑到卡卡聲~ 估唔到佢仲記得呢~

我地仲玩打千秋, B仔又係笑到好開心~ 玩到差不多五點就返屋企食粥, 之後就過沙田同爺爺嫲嫲食晚飯!

嫲嫲一黎到, 未坐係位就叫B仔, 之但係......... 一見嫲嫲又喊到收唔到聲, 係都要B仔媽抱, 攬到B仔媽實一實呢~ 直至有嘢食至肯坐返係自己個位度食嘢! d待應姨姨都覺奇怪, 點解B仔無啦啦喪扭計, 因為佢地未黎前都好好笑容, 嫲嫲仲搞笑, 問其中一個姨姨: 乜我好樣衰咩?! B仔媽心諗: 叫人點答你呢?! 真難為人地囉~

差不多走時, 嫲嫲手痕好想抱B仔, B仔爸叫B仔媽抱B仔去俾嫲嫲, B仔媽心諗: 又搵我做衰人, 明知個仔唔like, 一陣個仔唔鍾意埋我點算 =.=""" B仔爸示意咗好幾次, B仔媽都不動聲色, 結果, 嫲嫲自己走埋B仔身傍自己伸手抱B仔, B仔既反應係....... 喪喊, 仲要向後"咬"腰, "hom"咗去張凳"pen"度 =.=""" (明知個孫唔like就咪鬼走去抱佢啦~ 仲要"hom"到個頭, 有乜為呢)

各自回歸前, B仔肯同兩老say bye bye兼飛吻, 抱佢埋爺爺身邊叫佢鍚爺爺, B仔都肯用手摸爺爺塊面鍚佢, 抱佢埋嫲嫲身叫佢鍚嫲嫲, 一埋去咋~ 就已經擰頭話唔要兼擰轉面呀!!! 事實又一再証明其實B仔唔係唔鍾意爺爺, 因為嫲嫲次次都懶話爺爺太老, B仔唔鍾意, 查實..........