26.4.2009
今日B仔爸要返工, 得B仔媽同B仔獨處~ 今朝一齊瞓到差不多11點(差不多七點時食咗支奶再瞓), 尋晚仲諗住同B仔今朝二人去食早餐, 點知大家瞓到咁晏~ haha.........
瞓醒食支奶, 玩下個新玩具先~~~
頑皮B仔係婆婆度又撞到, 係度跑跑跑, 撞咗去個門度, 瘀咗兼損咗 =.=
玩玩下做乜踎咗係度?! 哎吔......... 想痾屎呀! 咋咋臨抬B仔去踎馬筒先~ B仔教極叫佢開大要去廁所都仲未識 =.=""""""""
辦完大事就去街~ 落毛毛雨, 只能抱住B仔出街(無推車仔, 去街巿唔掂呀) 去咗火車站個頭食嘢, 係唐記買咗個菜肉包俾B仔食, 之後去大百佳買餸, 跟住就回家!
好頭痕呀! B仔呢輪唔肯食嘢呀! 奶又食得個100ml左右, 粥又唔多肯食, 飯又係唔多食, 水果又唔肯食, 今晚煮咗蕃茄薯仔肉碎通粉又唔肯食, 真係餵到B仔媽火都黎埋呀! 只係鍾意飲湯, 食包包, 多多包包都同你食晒佢 =.=""""
結果, B仔媽要出動包包, 至能叫做順利咁餵咗半湯碗通粉咋~ 真係人都癲呀! 乜都唔食, 淨係肯食包, 又驚B仔唔夠營養, 叫B仔媽點算好呀?!
你B 仔而家唔先唔多飲奶, 算好乖gar la.. 我晴晴自12個月起, 每朝飲200-240... 夜奶都戒ma.. .. 咁樣點會肥肥白白ar..
回覆刪除細路仔好咀 diu.. 試下煮啲唔同ge 嘢俾佢食... 成日食同一樣嘢都係會厭.. 近排我菜單有蕃茄碎肉粟米仔(乾水, 小汁)闊條麵... 豬肉蒸水蛋 / 肉餅撈飯, 瓜湯飯... 菜飯加小小肉吊味.至於水果, 可以試多款不同水果, 火龍果對便便好.. 橙唔鍾意就飲橙汁.. 提子都OK.. 俾佢過足手癮, 等佢自己一粒粒咁 meet 嚟食 ..
[版主回覆04/27/2009 11:57:00]佢係咩水果都唔肯食呀! 細個時都肯架~ 提子俾佢掂都唔掂呀!
洛洛咪又係咁........................
回覆刪除[版主回覆04/27/2009 11:55:00]乜原來洛洛又係咁呀?!
佢係咪又吽牙仔呀?? 天朗都係咁...有時唔係好肯食正餐...不過佢都好d,起碼佢肯食奶同生果或者餅餅...但係其實佢一路都係鍾意什食多過正餐..哈哈!!
回覆刪除[版主回覆04/27/2009 11:55:00]佢差不多出晒牙, 又唔覺佢出緊喎~
Ryan 最令我頭痛係唔飲水~~~~~~Ryan 都係一個包包狂~~
回覆刪除[版主回覆04/27/2009 11:48:00]咁B仔都肯飲水~
係咪個個bb都係包狂黎呢
小澄澄都是有絕食ar.......什麼都不食......只愛飲奶&食提子飽飽......連最愛去酒樓吃的飽飽食2 啖就唔食 ....唉.....近排瘦了好的,變了排骨妹 ......煮好多食物都唔食,真的唔知有什麼方法可以另她食番多的食物?????? 是否這個階段的小朋友都有厭食呢?....我都好頭痕???????
回覆刪除[版主回覆04/28/2009 15:03:00]哦~ 小澄澄都好D丫~ 肯飲奶, B仔係奶都唔多飲呀, 唉..................................
B仔本身已瘦底架啦~ 唔肯食嘢就更加.......
真係煩爆呀~ 家陣又話豬流感!!!
俾佢食包包.再+野俾佢食. 引下佢.得唔得? haha
回覆刪除好搞笑呀.B仔有冇夾片片呀.佢痾便便唔識去toilet.咁有冇叫你????
[版主回覆04/28/2009 15:05:00]唉... 有啦~ 用包引開佢個金口, 跟住一匙粥/飯再即塞舊包佢啦~ 咁至肯食呀! 無包, 一嘢NUR晒出黎呀!
B仔仲有夾片呀~ 佢就係無叫我兼唔會自動波走去TOILET~ 係要我望到佢個痾屎樣至咋咋臨抱去馬筒囉~
踎咗係度 .. 都係一個示意.. 都好喇! 好過d 賴左唔出聲~
回覆刪除你要花多d心思..整到d食物好得意先得喇~ 我見媽媽書教的
[版主回覆04/28/2009 22:54:00]整得得意佢都未必識欣賞喎~
p.s. d 書係教.將d食物整完. 砌個哈哈笑公仔頭呀~cutie d 既樣.. 佢地會好胃口d!~
回覆刪除另外. b仔肯吃包包..都好過咩都唔肯食喇!
會唔會你整dcake好味..佢依家只愛吃包類
[版主回覆04/28/2009 23:07:00]=.=.... 咁B仔媽要買返D"架撐"黎服待呢位細張生至得囉~
d小朋友成日都係咁會有一段時間厭奶厭食，唯有等下啦!
回覆刪除[版主回覆04/29/2009 21:43:00]希望係短暫既厭奶厭食期啦~
你煮嘢食咁叻，有無諗過整D有 餡的飽給B你吃? 咁咪可以用D生果或者菜去做飽或者蛋糕，可能都得喎!
回覆刪除[版主回覆05/26/2009 23:08:00]叻乜鬼丫~ 我唔識整包, 整過一次失敗咗呀~