東涌遊 + 家訪大姨媽

18.4.2009

 

今朝B仔媽要返工, B仔返學既任務要交俾婆婆啦~ B仔真係專蝦婆婆架! 返學勁唔聽話, 唔肯坐定定, 成日扭計, B仔媽湊佢返係唔會咁架! B仔爸放工回來就接婆婆同B仔放學!

 

B仔媽放工就即回家, 跟住車婆婆出荃灣同朋友嘆茶, 我地就入東涌探大姨媽! 橫掂入東涌, 又未坐過昂平360, 點知... on the way時已不停咁落雨, 天氣唔好, 唔去坐啦~ 唯有係東薈城行下街tea下先, 等好天時再去360吧~

 

買咗個菜肉包同蔥花卷, 俾咗個蔥花卷B仔食, 食咗四分一個就俾菜肉包佢食, 菜肉包好味d, 有肉食麻~ B仔食咗起碼三分二個呀!

 

 

 

B仔: 媽咪, 個包包好好味呀~

 

 

B仔爸就大豐收啦~ 六百蚊買咗兩條牛仔褲! B仔媽同B仔都無收獲~ 等B仔爸試褲時, B仔睇唔到櫥窗塊大玻璃, 一支箭咁走去兩個display公仔中間, 向玻璃走去, B仔媽已伸手想捉住佢架啦~ 都不及佢行動快, "Bon" 一聲之後繼而震耳既喪喊聲, 額頭都紅埋, B仔係咁喪喊~ 好彩個大頭仔無撞爆人地塊大玻璃咋~

 

逛完街, 人類朋友又到咗, 就去大姨媽屋企踩場兼黐飯食, haha...... 大姨媽煮餸好得架~ 唔黐唔得! haha.......

 

B仔一見細佬就超興奮, 眼瞓都唔理, 一解車仔個安全帶就標咗入屋同朗哥玩, 完全唔理B仔爸同B仔媽仲係門口 =.="""""

 

之後朗哥掛住打機, 唔同B仔玩lu~ B仔間唔使走去八掛朗哥打緊乜咁開心~

 

 

朗哥: Oh... 又game over~~  B仔: 朗哥, 唔關我事架~ 你咋斗咋~

 

 

同大姨丈玩波, 玩得幾咁興奮~~

 

 

臨走前俾埋d BB用品俾人類朋友就各自回歸~