25.4.2009
落好大雨呢~ 邊度都唔洗去囉~~ 係樓下飲完茶, 之後唯有返屋企坐, 睇電視, 玩玩具~
跟住黎個午睡~ 一瞓醒, 就扭計, 都唔明, 瞓醒咪瞓醒, 點解硬係要扭下計喊下 =.="""
邊扭計邊伸懶腰
瞓醒覺, 無落雨, 一家三口去買餸~ 買完餸返屋企, B仔媽忙住整餸, 叫B仔爸同B仔沖涼, 叫咗好多次佢至肯同佢沖, 之但係......
唉.......................... B仔手多多, B仔爸又唔睇實佢, B仔自己拉起水喉個制, 花灑d凍水就咁射到佢, 嚇到佢喪喊, 忙碌既B仔媽放低手頭上既餸, 走去睇下咩事, 唉...... 搞到B仔唔肯沖涼呀~~ B仔媽同B仔要係度角力咗一輪, 搵咗個玩具至分散到B仔, 至可回復平靜地沖涼呀~
是日晚餐......
蕃茄薯仔粟米豬骨湯
泰式豬頸肉 (用咗新玩意~ 光波爐黎整, 一滴油都無落, 仲迫晒d油出黎, 效果都唔錯~ B仔爸就嫌沾個d汁酸咗d, 但B仔媽覺得都OK喎~
蒸水蛋 (special for B仔)
蒜蓉牛油焗帶子 (急凍帶子唔知係咪雪得太耐, 唔多掂~)
馬拉箋炒通菜 (掂呀~ 係街巿印尼鋪頭買咗磚馬拉箋, 用咗少少已經夠晒味, 好香呢~ 下次加少少辣椒應該仲野味)
其實今晚本來想用光波爐整炸乳鴨, 之但係街巿凍肉鋪45蚊兩隻, 仲要係未醃既乳鴨, 絕對唔多抵買呀! 咁既價錢買現醒食得都得啦~ (買隻雞都係廿幾蚊咋~)
係呀...o個日落左成日雨...我同阿仔都係全日留o係屋企...冇得去街街...
回覆刪除次次見到你d餸...都攪到我留哂口水!
[版主回覆04/27/2009 12:01:00]haha...... 有心機煮就好味, 無心機就..........
激死人, 呢2個禮拜日都落雨, 攪到Ryan 飲完茶都要返屋企~
回覆刪除次次見到你整既野食都好有衝動去你屋企食飯 hehe~~~
激死人, 呢2個禮拜日都落雨, 攪到Ryan 飲完茶都要返屋企~
回覆刪除次次見到你整既野食都好有衝動去你屋企食飯 hehe~~~
[版主回覆04/27/2009 11:59:00]係啦~ 放假至黎落雨, 好掃興!
haha... 以為你話好有衝動自己落手煮添~
勁呀.B ma~ 第時我可以搵你食飯啦!!!!haha
回覆刪除[版主回覆04/28/2009 15:06:00]haha... 好呀~ 不過唔夠你勁喎! 忟花膠鴨掌
男人.. 就係咁.. 越幫越忙... 不過b仔爸都肯同個仔洗白白.. 算係咁....
回覆刪除之後 b仔有無對沖涼恐懼呀
勁呀! 成日咁多正餸.. 你住係附近就好喇~嘻~
我想問個光波爐幾多錢呀!係咪只可以炸野
我之前都見blog友用
[版主回覆04/29/2009 21:42:00]我叫咗佢N咁多次佢至肯同佢沖咋~
個刻咪有囉~ C都唔肯沖, 係咁攬實我呀!
邊夠你勁丫~~
個光波爐399囉~ 見幾百蚊玩得過~ 佢話可以炸嘢喎! 但我未試過~
落雨天真係邊度都唔想去。
回覆刪除你個熱波爐有無試過跳fuse呀?
[版主回覆04/29/2009 21:41:00]無喎~~ 我用獨立插頭喎! 同埋唔會同時間用好多電器喎~
男人係無咁細心o架喇!無辦法!陪到玩已經好好，唔好話要佢照顧喇!
回覆刪除