復活節假期第二天

11.4.2009

得到晴晴媽既邀請, 今日同B仔去咗元朗BBQ, 去理會所玩添呀~ 第一次見晴晴呢~ 好精靈, 應該係聰明女一名呢~

去到BBQ場地, B仔仍在熟睡中, 晴晴就去搞B仔, haha... 又篤佢塊面, 之但係瞓到豬咁既B仔都不為所動, 繼續瞓, 晴晴就繼續篤, 好搞笑呢~ 最後B仔都醒咗, 跟住仲一齊去會所玩呢~~

一入會所遊戲室, 有個好正既波波池呢~~~~~~~ 幾個BB坐晒入去玩呀! 佢地當然係最開心個個啦~~

玩咗一陣, B仔就自己爬咗出去玩啦~ 出面實在太多誘惑啦~

有B仔至愛既車車, B仔當然唔會放過呢個機會啦~~

haha... B仔仲要推晴晴添呀~ 不過晴晴好似想跳車喎~ haha.....

走咗去彈琴, 彈到個樣古靈精怪呢~

"Sir"滑梯~ "sir"既途中都仲係笑笑口, 但一落地, "等"咗一嘢就呆咗! 之後就唔玩"sir"滑梯lu~~

跟住係度砌積木~~

好不容易至影到兩個BB既合照呢~ 幾咁開心, haha.......

B仔就係係呢個波波池度第一次俾女仔鍚面珠仔呢~~  之但係, B仔既表情係...... 呆咗! 呆咗幾秒咁企係度唔郁! B仔鍚返晴晴, 之但係... 晴晴唔知係咪以為B仔打佢(因為B仔係用手摸人塊面=鍚) haha..... 還拖一巴打去B仔塊面度, B仔又呆幾秒, haha...... 笑C咗B仔媽同晴晴媽囉~ 呢個場面實在非常搞笑呀! haha......

玩到六點左右就散band, 各自回歸lu~~