張B仔19個月大啦~

10.4.2009

19個月大既張B仔.........

雖然B仔媽成日話B仔曳曳曳, 但其實佢都算係一個幾乖既小朋友, 起碼會聽B仔媽話, 同埋飲茶坐定定由頭坐到落尾, 總之有嘢食就可以坐定定!

叫B仔同人Bye Bye兼飛吻都肯去做呢~

鍚人就用手摸人塊面, 仲要邊摸邊講鍚~~

仍然見親嫲嫲都喪喊!

做錯事俾B仔媽話, 會知道B仔媽惡, B仔會收歛返d, 見你唔笑, 係度點蟲蟲引你笑, 跟住扮無事發生走咗去!

成日對住我地ke lei 古 lu講BB話, 仲未係好識講嘢呀~

識講: 媽咪、BaBa(爸爸)、婆婆(但唔肯對住婆婆叫)、車車(叫得最多)、波波、貓貓、wow wow(狗)、鴨鴨、飛機(講得唔正)、thank you(又係講得唔正)、fish、拍拍拍(佢最鍾意睇個隻dvd)、包包、唔要、唔知呀、姐姐、"咋"車車、鍚、橙、襪襪、鞋、喂、巴士(巴音正, 士唔正)

成日喂B仔媽 (B仔媽要收下口至得, B仔跟B仔媽講喂呀~~ 大濟)

鍾意車鍾意到不得了~~ 其次係飛機, 拎住個飛機扮飛, 仲要配埋音" V V" 咁飛...

好鍾意睇小小愛因斯坦、Thomas, 仲有廣告

睇某個傷風廣告, 到某個位跟住廣告個人係度乞嚏, 係同步個隻, 好搞笑~

最鍾意食包包, 一見包包不得了, 嘈到個包到手為止, 婆婆都怕咗B仔, 要收埋d包唔可以俾B仔見到呢~

B仔媽要B仔執玩具, B仔都肯執, 當然要B仔媽同佢一齊執佢至會跟住做

開始唔係乜都食啦~ 唔肯食生果呀~ 大濟~

唔肯用手拎住食物, 除咗包包

返到屋企識自己除襪, 當然要叫至會做啦~

識做掌上壓, 雙手撐係地上, "失"頭哥"櫃"係地下, 個籮pat上下郁, 好搞笑~~ (B仔學公公做掌上壓)

係婆婆屋企, 鍾意爬上B仔媽張床, 跟住好嘆咁攤係度唔知做乜, 有時自己係度依依yoyo唱歌, 之但係一有人入房望佢就即收聲喎~

坐住部戰車係婆婆屋企飛馳, 仲要係識掟個靚彎添呀~ 真係吹脹~

B仔好鍾意推人, B仔媽坐上B仔部戰車, B仔都好大力下架喎, 竟然推得郁B仔媽, haha... (B仔媽都唔輕架)

一唔鍾意就嘟長個咀, O咀, 個樣超好笑, haha...........

自己做錯嘢就手指指, "mou"住個咀, 係咁指住人"um~" (學婆婆呀, B仔做錯嘢婆婆就指住佢um佢架, haha...)

沖涼識自己捽手同捽肚腩, 叫佢遞腳俾B仔媽洗識遞俾B仔媽, 倒盤仔d水自己倒

識指眼, 耳, 咀, 鼻, 耳仔, 手, 腳, 手指, 腳指, 肚臍

唔肯自己用牙刷刷牙(點至可以教到佢肯用呢?! 唔通個oral b牙刷佢唔鍾意?!)