抵! 抵! 抵呀!

21.2.2009

今日同婆婆係巿中心食午餐, 跟住係吉之島行BB用品展, 唔覺特別平, 只買咗三件底衫同學習杯條飲管, 都係時候要換管啦~ 但唔記得買d新安撫奶咀添~~

大矇既B仔媽拆開至醒覺原來係背心... =.="""

閒逛咗一陣就去咗置樂閒逛, B仔媽買咗個袋俾自己, 之後去咗間童裝店, 清貨大減價, 十蚊件T恤, 仲要係短袖, 質地都唔錯架, 幾軟熟, 確實超抵呀......

十蚊件.... 一件朗哥一件B仔, 兄弟裝呀! Haha......

白色個件就貴少少, 大拿拿15蚊! 呢兩牛又係買俾朗哥既~~

呢兩件十蚊~~ 一件朗哥, 一件B仔, B仔個件應該係女裝, 婆婆話唔緊要啦, 質地好呀!

呢三件B仔既~~

褲仔又係大拿拿十蚊條, 係屋企着, 無所謂啦~~

呢三件唔知同事亞女啱唔啱呢?!

粉紅個件好靚呀~~ 又係貴dd, 大拿拿15蚊!