薄餅好介紹

18.2.2009

今日放工時收到個好消息, 肥B女終於做B仔鄰居啦~~ Yeah! 遲下兩個B可以多d交流下啦~~ haha... ^o^

放工返屋企放底d嘢至速速趕去買餸, 個時都七點鬆d啦~ 嘩... 去到街巿都收咗一半, 餘下個d都收檔中! B仔媽要極速買餸至得啦! 唔煮唔得啦~ 成兩個禮拜, 只煮過一次飯, 咁出街食法, 擔心命仔不保呀!

是日晚餐有......

都係快靚正既滾節瓜瘦肉湯

蒜頭炒白菜仔

咖喱魚旦, 尤魚, 豬皮, 薯仔仲有火腿丸 (好彩街巿個間印尼食品鋪未收檔, 俾我買到現醒咖喱, 味道都唔錯, 唔辣, 啱晒B仔爸媽口味, Hehe)

焗薄餅 (同事介紹B仔媽食呢種薄餅, 煎/焗黎食就得!)

用咗焗爐焗, 又幾脆幾好味喎~~

同事用咗佢黎焗酥皮湯, 佢話好正添呀~~ 等B仔媽搵次試下至得!

哎吔... 今晚諗住烚翡翠螺黎食, 又唔記得咗添! >.<