22.2.2009
B仔做乜cool成咁呀?!
查實係度睇緊電視~~
睇咩笑得咁開心呀?! (B仔媽已經唔記得睇緊乜)
無聊嘅B仔媽又搵B仔黎搞, 又黎教B仔湊BB! haha......
B仔仲係個櫃桶度摷咗個袋出黎, B仔媽叫佢孭住個袋去買餸... 不得了, 個樣超爆笑呀! haha...... 成個八婆仔咁呀! haha......
B仔媽問B仔有無帶錢去買餸, 佢又真係摷下個袋喎, 但摷完就無事發生咁, 繼續四圍行, haha......
行行下又走去擒餐椅 =.=""" 孭住個BB都做埋d高難度動作, 一個字 -- 勁! 好彩係個公仔, 完全不顧BB安危, 如果係真BB已經俾B仔跌/撞c咗~~
擒擒下又走咗去搞電話......
B仔: 喂... 喂... B仔爸呀~ 你食咗飯未呀?! 有無掛住我呀?! 有無買玩具我玩呀?! 無呀?! 咁收線啦~~ 88
打完電話又係度欣賞舅父仔個缸魚游水! 睇到幾開心, haha...
21.2.2009
今日同婆婆係巿中心食午餐, 跟住係吉之島行BB用品展, 唔覺特別平, 只買咗三件底衫同學習杯條飲管, 都係時候要換管啦~ 但唔記得買d新安撫奶咀添~~
大矇既B仔媽拆開至醒覺原來係背心... =.="""
閒逛咗一陣就去咗置樂閒逛, B仔媽買咗個袋俾自己, 之後去咗間童裝店, 清貨大減價, 十蚊件T恤, 仲要係短袖, 質地都唔錯架, 幾軟熟, 確實超抵呀......
十蚊件.... 一件朗哥一件B仔, 兄弟裝呀! Haha......
白色個件就貴少少, 大拿拿15蚊! 呢兩牛又係買俾朗哥既~~
呢兩件十蚊~~ 一件朗哥, 一件B仔, B仔個件應該係女裝, 婆婆話唔緊要啦, 質地好呀!
呢三件B仔既~~
褲仔又係大拿拿十蚊條, 係屋企着, 無所謂啦~~
呢三件唔知同事亞女啱唔啱呢?!
粉紅個件好靚呀~~ 又係貴dd, 大拿拿15蚊!
18.2.2009
今日放工時收到個好消息, 肥B女終於做B仔鄰居啦~~ Yeah! 遲下兩個B可以多d交流下啦~~ haha... ^o^
放工返屋企放底d嘢至速速趕去買餸, 個時都七點鬆d啦~ 嘩... 去到街巿都收咗一半, 餘下個d都收檔中! B仔媽要極速買餸至得啦! 唔煮唔得啦~ 成兩個禮拜, 只煮過一次飯, 咁出街食法, 擔心命仔不保呀!
是日晚餐有......
都係快靚正既滾節瓜瘦肉湯
蒜頭炒白菜仔
咖喱魚旦, 尤魚, 豬皮, 薯仔仲有火腿丸 (好彩街巿個間印尼食品鋪未收檔, 俾我買到現醒咖喱, 味道都唔錯, 唔辣, 啱晒B仔爸媽口味, Hehe)
焗薄餅 (同事介紹B仔媽食呢種薄餅, 煎/焗黎食就得!)
用咗焗爐焗, 又幾脆幾好味喎~~
同事用咗佢黎焗酥皮湯, 佢話好正添呀~~ 等B仔媽搵次試下至得!
哎吔... 今晚諗住烚翡翠螺黎食, 又唔記得咗添! >.<
14.2.2009
今日係情人節, 適逄family day, 今朝B仔爸放工就一齊同婆婆飲茶湊B仔, 跟住去Taste買牛扒就返屋企~~
返到屋企B仔食B仔媽尋晚整嘅一口小蛋糕~~
一嘢成粒塞入口, 嚇C B仔媽呀! 又唔夠佢快, 拎唔返出黎, 好彩B仔肯o趙完至吞! 仲邊o趙邊嘆電視呀!
哈哈~~ B仔個雙下爬幾咁勁, 哈哈哈哈......
是晚情人節大餐非常豐富......
餐包 (失敗咗, 香就夠晒香呀, 但硬到掟死狗)
泰式酸辣鳳爪 (好味!)
煎牛扒, 雞肉串, 雞軟骨串, 仲有帶子~~ (塊牛扒大拿拿買咗108蚊一塊呀! 好貴呀! 但確實唔錯)
焗菠菜火腿芝士批 (都唔錯喎~~)
仲有個菠菜三文魚通粉
嘩~~ 好恐佈呀!
估唔到係香港都會發生呢d事呀!
唔理堅唔堅, 出街真係要貼身痴住d小朋友至得呀!
http://forum.baby-kingdom.com/viewthread.php?tid=2043671&extra=page%3D1&page=2
