聽日情人節，但張先生要返工，無得一齊慶祝！所以昨晚已同張先生講，今晚一齊慶祝，自己心諗今晚應該會有禮物收啦，晏晝打俾佢就同佢好友和其女友一齊食lunch，再晏d佢就打電黎話陪佢好友係深水埗買LCD Mon，又話等我放工，點知放工等咗差不多半個鐘都未見人，等到我炆，原來佢好友係佐敦炒咗佢架車(一邊車頭指揮燈被撞爛)，我都知自己唔係好啱，重發佢脾氣，一輪嘴係咁話佢，但我又被佢話返我轉頭，仲話咗我三次 '我頂你丫' ，我真係好嬲~~ 佢從來都無咁樣話過我架！仲叫我返屋企，太過份啦，於是收咗佢線，唔想同佢講嘢，自己一個由尖東一直行，沿途見到一對對嘅情侶開開心心的，但自己就......，一直行到事發地，見到佢地無事打算走，俾張先生見到我，最後等佢地搞掂就返上水食嘢.....
情人節前夕，一心諗住兩個人慶祝，但就變咗三個人嘅飯局 =.= ，咁都唔緊要，尋晚已通知張先生今晚慶祝，已俾足提示佢，都有今日半日時間俾佢買禮物俾我架啦，點知成個下晝就揸咗架車去陪佢好友去咗深水埗買LCD Mon，而無去買禮物俾我，提咗好多次同我求婚，講咗好耐都無求過！而佢就話本打算去花壚同埋海港城買禮物俾我，錢都攞埋，地址又寫埋，諗住同佢好友去完深水埗便去花壚同埋海港城，點知失咗預算...，如果真係有心去買，就唔會同人地去咗深水埗，一d我心都無 =.= ，聽完仲唔開心~~~~~ 人地去買部LCD Mon俾人地女友比自己買嘢俾自己女友更重要...淨係識話後被慶祝，咁我昨晚已告知佢今晚慶祝架啦......真係嬲到爆炸....... >.<
沒有留言:
張貼留言