今日以為會平平淡淡咁渡過，今朝早起床等張先生攞車等咗成兩個鐘，仲要告訴我要車埋佢個 '女朋友' 返屋企先至黎接我，等到我發燘憎！食飽後，逛咗陣街，睇咗陣鑽石介指，我話我煮飯，張先生話唔好，我話我洗埋碗，佢都唔制，跟住返屋企睇咗 <藝妓回憶錄>，悶到爆咋......睇嘅其間張先生問咗我兩次仲睇唔睇，諗住撗掂睇繄咪睇埋落去，自己都不以為意，正常黎講，幾悶嘅戲張先生都會睇晒先！同埋我話煮埋洗埋佢都唔制，又係有點奇怪！
睇完戲，張先生話去食嘢，但落到樓下又話去大埔食，我係咁問佢又約咗誰、食d咩，佢又唔肯講，淨係話到時我就知，揸車去到大埔又話行錯路，行咗去大埔滘方向，我就話佢扮晒嘢行錯路，原來我地係去小白路食嘢，入到餐廳，d待應又唔係帶位，好似好緊張咁，跟住由一位經理帶我地由餐廳行咗去戶外，心諗覺得好奇怪，唔通去BBQ？又唔係喎，行咗去岸邊嘅小橋，沿住小橋行到一間小白屋，枱面放咗排放成心型嘅小蠟燭，叫過嘢食後，有位拉小提琴嘅先生為我地伴奏，好浪漫啊......跟住個經理就攞咗張先生一早準備嘅花，同埋個樣我檬嘅賤兔公仔入黎，張先生就攞住D花，跪咗係我面前，拿出一早準備嘅介指，問我願唔願意嫁俾佢，hehe...當然願意啦！haha......真係好好好...開心啊！沒想到張先生真的會同我求婚，沒想到佢會如此花心思，還以為佢只會買隻介指俾我就算~~haha... ^o^
原來為我地伴奏小提琴個位先生係小白路嘅老闆兼中大音樂教授，平時係佢d學生彈奏，因為今晚d樂師唔得閒，所以由佢為我地演奏，嘩！好犀利啊！好大嘅面子啊！不過就替他有點冷，因為天寒地凍企係屋仔外為我地伴奏，張先生同佢講外面太凍不用為我地伴奏，但個老闆仍堅持繼續彈！
晚飯過後，餐廳免費提供咗印手印環節，不過要等到聽日待乾咗之後先知變成咩樣！另外，我地一人寫咗張紙仔放咗係兩個樽仔度，然後入咗d彩沙，跟住交俾餐廳再將d樽埋係地下，待一年後嘅情人節由餐廳聯絡我地再俾返d樽仔我地，好有趣呢...唔知張先生寫咗d乜嘢俾我呢？！
(Empty)
回覆刪除