五、六、日

oh......都差不多成個禮拜無寫過日記......上星期都比較忙，所以......

星期五，張先生同一班同事去咗帝苑食自助餐，自己未去過又想去，於是跟埋佢地一齊去食，初初有d唔自在，因為成枱男人得我一個女仔，感到有d尷尬！個度真係好靚啊~~ 嘢食方面我覺得唔算多，甜品款式亦唔多選擇，有點失望！所以去一次便夠！=.=

星期六，與張先生上咗深圳book時間影婚紗相，順便再屈下送多d相，最後屈多18張相同埋送多一個水晶相架，但結果仍未如理想......去咗麵點王食嘢，都幾好味，尤其是醬骨架同埋餃子，個度d刀削麵都唔差，食完嘢就去咗book影相，跟住去咗東門逛唐宮書城，但相比起科學館站個度個書城，個度唔係好多書，但就有凳provide，所以張先生就係個度睇埋份報紙先走！可能張先生係第一個係個度睇報紙人，haha......

星期日，留係屋企無野做，悶到爆！夜晚將一直儲埋儲埋<味道>整理一返，發現儲埋咗好多食譜，但好多無整過，現已file咗六七個膠folder，但都唔夠裝，遲下去10蚊店要買多幾個files至得！希望能快d擁有屬於自己廚房，到時可以嘗試唔同菜式，諗起都開心，但唔知到時做唔做到！