18.2.2010
年初五無節目, 天氣依然咁凍, 完全進入唔多想郁既狀態! 一家三口去樓下食咗午餐, 之後就去街巿買餸, d豆苗真係貴到無朋友呀! 98蚊一斤, 真係搵人買囉~
呢個新年假B仔媽已經好想好想同B仔戒奶咀, 下晝B仔媽拎咗盒鈣司寶黎飲, B仔見到, 眼前一亮, 不停嚷住要飲, B仔媽就趁住呢個機會, 叫B仔掉咗個奶咀, 以後唔食奶咀至有得飲, B仔以九秒九既速度走去放奶樽既盒度, 拎個奶咀, 然後走入廚房將奶咀自己掉入垃圾筒......
到夜晚要瞓覺既時候...... B仔又走去奶樽盒度拎奶咀去瞓覺, 此時佢望住個奶樽盒呆咗一呆 (B仔媽估計B仔發現點解無奶咀... 話說B仔係有兩個奶咀既~ 掉既時候只拎咗一個去掉..... 可能B仔見仲有一個, 所以咁順攤走去掉奶咀...) 跟住就講: 奶咀唔見咗?
B仔媽就提B仔自己今日下晝掉咗個奶咀, B仔爸又倒咗垃圾, 奶咀掉咗架啦, 無得食架啦~ B仔臉上帶點無奈, 但又無扭計.....
瞓係床上, 拎住Thomas & Gorden既B仔, 無奶咀, 不停係咁講嘢, 間唔使又講無奶咀, 之後又不斷叫: 媽咪! 媽咪! 叫咗一輪媽咪又話要媽咪抱住...... B仔媽就叫B仔黎媽咪床瞓啦~ B仔媽拍咗幾拍就極速瞓着~ (梗係啦~ 11點幾至瞓得着, 又無午睡, 眼瞓到爆炸呢~)
第一晚戒奶咀尚算平安渡過~
沒有留言:
張貼留言