大年初三 ~ 感動

16.2.2010

今日仍然天寒地凍, 又無地方去拜年, 食咗午餐就去街巿買餸, 是晚打邊爐! 嘩... 街巿d餸貴到呢~~~~~ 買近蝦大拿拿64蚊一斤, 平時應該三四十蚊搞掂~ 不過自己買嘢打都抵過出街打既! 聽婆婆講, 買斤菜心都廿八蚊斤~~~~~ >.<

今日仲煲咗清保涼湯, 呢排又煎年糕, 又煎蘿蔔糕, 要飲返d湯水潤返下至掂~

傍晚時份, 維納斯契媽放咗佢亞囡上黎一陣, B仔見到姐姐黎同佢玩, 異常興奮呢! B仔越大, 就越覺佢自己一個人玩好悶蛋, 情況就好似好需要多一個玩伴~ 之但係...... 中咗六合彩至生囉~~ HAHA...

夜晚拎埋D火煱餸菜落樓下龍叔叔屋企一齊打邊爐~ B仔見到澄澄妹好好開心呢~ 澄澄妹妹係房食奶奶, 又走入去騷擾人, 妹妹食飽奶奶, 又八掛唔肯瞓~

烚下烚下不經不覺都差唔多11點, B仔媽湊B仔返屋企先, 但一出門口, B仔就叫"BaBa, 一齊返屋企!", B仔要叫埋BaBa一齊至肯走~ B仔爸唯有咋咋帝一齊係Lift口等lift啦~ 跟住同B仔講要去買d嘢, B仔至肯呢~

B仔爸回家後同B仔媽講, 個一刻, 真係好感動!!!

B仔媽成日都同B仔爸講, 唔好以為B仔乜都唔識, 唔好以為B仔唔要B仔爸就等如唔愛B仔爸, 其實佢乜都知, 佢都會知除咗媽咪, BaBa都係至親!!!