開學啦~

1.9.2009

 

今日B仔媽專登攞半日假(幾驚唔批呀!)同埋B仔爸, 仲有婆婆, 一齊送B仔去返學! On the way to 婆婆屋企時, 婆婆打黎話B仔唔肯着校服, 叫B仔媽快d到~ 但一入婆婆屋企, 已經着好咗, 原來婆婆用個包黎誘惑B仔呢~~ 全靠公公返工前買咗個包返黎, HAHA......

 

 

 

影唔到正面添~~~

 

 

一去到學校門口, B仔已自己衝入學校, 完全忘記咗企係門口既我地, 一支箭衝咗去玩車車 =.=""""""""

 

老師叫我地可以去窗個邊望入課室, 不過就唔好俾B仔見到, 以免佢喊, HAHA... B仔媽企係窗度係咁 "目及" 仔呢~~~ "目及" 到唔捨得走呀!!! 見B仔入到課室, 有個嬸嬸帶住佢, 見B仔初初入到課室都有點迷惘咁, 望咗一陣成班小朋友就去咗學校中央玩, 我地就走去食早餐, HAHA........

 

食過早餐, B仔爸媽又走去課室 "目及" 仔, 上緊英文班呢~ 但成班小朋友都無理會過佢, HAHA... 太細啦~ 只管玩玩具! "目及" 咗一陣就返婆婆屋企睇報紙, 等接仔放學!

 

唔知點解, 呢兩個鐘頭覺得好似好漫長咁, 個心都"囉囉戀"咁~ 掛住個仔呢~ 第一次得佢自己一個人同其他人相處, 又唔知佢有無喊喎~

 

到11點放學 (初初適應期返2hrs), 我地又一行三人一齊去接放學! 見老師拖住B仔出黎門口, 見佢又好似幾聽話咁喎! 老師話B仔無乜點喊, 仲同個同學仔爭玩具, 係度大叫呢~ 一個鐘頭去一次廁所, 兩次都有尿尿呢! 老師話上堂時問B仔鍾唔鍾意返學, B仔答佢鍾意, 老師讚佢講嘢都算叻仔! HAHA.....

 

放學帶咗B仔去影學生相, B仔一股正經咁, 唧都唔笑個隻, 叫佢笑, 依然一副COOL樣, HAHA...... 無扭計都已經好好架啦~

 

之後返婆婆屋企途中, B仔同B仔媽既對話.......

 

B仔媽: 你鍾唔鍾意返學呀?

 

B仔: 鍾意

 

B仔媽: 聽日去唔去返學呀?

 

B仔: 唔去

 

B仔媽: 你又話鍾意返學, 但聽日又唔去返學?!

 

B仔、B仔爸媽仲有B仔婆婆都係咁笑, 真係得意~ HAHA....

 

希望B仔日日返學都係開開心心! 自動波入學校啦~ HAHA...... (千其唔好似B仔媽想當年咁, 係未到學校門口已開始剷地唔肯返學, HAHA.....)

 

自B仔出世後, Pizza妹妹都好耐無係B仔媽個blog出現啦~~~