28.9.2009
B仔上個星期因為唔舒服, 四日無返學, 今日開始繼續返學, 婆婆話峻僑入到學校仲同佢講bye bye, 之但係... 下晝劉老師打俾B仔媽, 話峻僑返學期間喊咗幾次, 玩完玩具又喊, 去廁所又喊, 要搵婆婆呢~~~
劉老師話可能幾日無返學, 又可能因為有幾個小朋友病咗無返學, 有少咗佢唔習慣吧~ haha... 不過B仔媽相信B仔好快會適應返! (其實B仔媽又諗, 會唔會尋晚嚇親佢?!)
今個星期五學校主題活動係中秋節, 小朋友們要帶一樣中秋節食品同埋燈籠, 劉老師仲同B仔媽講, 到時會同小朋友一齊整冰皮月餅添呀~ haha... 好得意呀!!! 唔知B仔到時肯唔肯整?! haha......
洗唔洗帶條圍裙返學呀?
回覆刪除[版主回覆09/28/2009 20:09:00]老師又無叫喎, 可能學校提供呀~
咁細個就教整冰皮~勁呀!
回覆刪除B表哥都係返開既補習班MISS 每年教佢地整一次咋
[版主回覆09/29/2009 15:53:00]老師咁同我講咋~
咁勁整冰皮~Ryan 都有中秋節Party, 要bring 月餅 or 生果返學校慶祝, 仲話可以的話著華服返去添!
回覆刪除[版主回覆09/30/2009 20:19:00]係囉~ 好得意呀~
希望B仔返番幾日學會適應番啦!
回覆刪除佢實無問題啦...佢啊媽咁強...我等住睇個月餅成品.
回覆刪除[版主回覆09/30/2009 20:20:00]haha... 可能d月餅即場食埋~ haha...
最後有無帶個傑作返黎比你地食呀?
回覆刪除[版主回覆10/03/2009 15:44:00]有呀有呀~ 仲影埋相呀~ 整得都好靚呀!