17.5.2009
今個週末接返B仔返屋企, 覺得B仔又大個咗~ 講多咗嘢~ 不過都仲係BB話多, 但一輪咀係咁"UP" BB話時, 又確實好得意~ HAHA... 見B仔媽飲嘢, 又係咁話飲! 飲! (因為佢想飲呀~) 唔合佢心水時又係咁講 "唔要! 唔要!" 想人抱時又係咁講 "抱! 抱!"
同埋曳咗好多呀~ 四圍擒, 擒到既地方都唔會放過~ 包括窗台, 轉個頭咋就已經坐咗係窗台... 真係俾佢嚇C~
除咗窗台, 又成日擒去個搖搖椅度~ 所以要連塊食飯板都要拆埋佢~ 如果唔係, 呀大少會坐係塊板度! =.="""""
間唔中都會同B仔爸睇返B仔細細個時既相, 唔經唔覺, 個仔開始大個啦~ 再唔係以前個個肥嘟嘟成舊飯好得意既BB! B仔爸成日話B仔個樣無乜點變, 但係細個時得意好多, 點解依家唔得意?!
B仔一日一日長大, 話咁快又話要返學~ 唉... 都唔知點幫B仔揀學校?! 點為知識合個仔呢?! 讀錯學校會有幾大影响?! 入唔到好學校點算?! 返學又要改英文名, 改咩名好呢?! 一連串煩惱又要開始面對啦~~
將來日子唔知會點呢?! 都好想B仔快d跟返B仔媽生活呢~ 之但係, B仔返B仔媽身邊時, 又是大家痛苦日子既開始~ (因為要返學做功課麻~)
揀學校真係大多父母頭痛的問題. 我地想阿女讀果間, 仲要搭一陣巴士先到, 又唔知人地收唔收添. 真煩呀.
回覆刪除[版主回覆05/19/2009 13:08:00]係啦~ 確實好煩~ 咁細個又唔放心佢坐校車~ 煩煩煩~
英文名....
回覆刪除細個既時候有 siu ming,john同埋tom
而家d靚仔有hurman,juno同埋dylan(低能)
真係都幾難搞...
[版主回覆05/19/2009 13:08:00]咁你個仔第時不如叫dylan lam啦~ 型爆啦~ haha
係呀，我都仲未諗到幫個仔改咩英文名好，真係好難諗...
回覆刪除[版主回覆05/19/2009 13:08:00]係囉~ 好煩~ 有咩好提議話埋我知~
努力Ｄ備課啦。。我而家有時間上網睇Ｄ學校網Ｄ料了。。。好快就９月要報校架啦。。
回覆刪除[版主回覆05/19/2009 13:09:00]備緊啦~ 真係煩爆~
揀學校真係好煩 , 都唔知邊間好, 有d又話呢間, 有d又話果間, 真係唔識揀
回覆刪除Ryan 呢輪成日跟人講野, 人講咩, 佢講咩, 笑死人
[版主回覆05/19/2009 13:10:00]係啦~ 間間都有人話好同唔好, 真係唔知好唔好呀~
ryan咁過癮, b仔仲未識講呀~
無論BB 幾大都好, 永遠係父母心目的的BB..
回覆刪除見到自己小朋友一日比一日長大係一件幸福的事.. 願唔願意都好.. 時間永遠都向前走.. 所以唯一可以做ge 係抓緊時間, 伴住小朋友, 等佢有個愉快的童年.. 你諗下, 如果個小朋友唔識大.. 只有無止境的付出, 係一件幾 sad 的事..
俾到小朋友一個好環境去學習己係一件很好的事.. 做公母ge 盡咗力便算..
[版主回覆05/20/2009 12:35:00]YES~~ 我都好想日日陪住B仔呢~~
你食屎啦
回覆刪除dylan lam
火星人唔係姓林架
[版主回覆05/20/2009 12:34:00]E~ 唔係火星林咩???? 記錯咗, 唔好意思~ HAHA...
唔好諗得太多太複雜，有時縱使你如何有計劃都未必能如你所願，總之盡咗力做了要做的便可，唔好俾自己又或者B仔太大壓力啊!
回覆刪除[版主回覆05/25/2009 11:31:00]係啦~~
B仔無壓力, 因為B仔媽暫時唔會強迫B仔學呢學路~ 因為迫唔黎~ HAHA...
媽媽。唔好煩ＬＡ。我咪又係！！！！
回覆刪除有時Ｄ野黎到先算。咁快唸定。自己會好大壓力ＧＡ～
我呀。ＮＯＷ都矛盾中ＬＡ。。。做野好ＯＲ湊肥Ｂ？
唉～ 煩中！！！！！！－＿＿＿＿－＂
[版主回覆05/25/2009 11:33:00]HAHA... 真係好多嘢諗唔黎~ 說不定遲下俾人炒咗都唔定呢~ 到時可能唔洗煩啦~ HAHA....
咁其實如果B女有屋企人幫手湊當然做多陣嘢好啦~ 叫做搵得幾多得幾多~ 可以到讀書至再諗自己湊既~
不過, 都明架~ 因為確實好煩~
Sze Man, 完全明白,大家都有同一樣的煩惱 ......ar
回覆刪除[版主回覆05/25/2009 11:34:00]係啦~~~~~~
我都係during呢個選校煩惱, 唔好話選呀....都唔知考唔考到, 我好怕要撲學校
回覆刪除[版主回覆05/27/2009 00:51:00]洛洛咁咀gel gel, 你唔駛驚啦~ 你咁都要驚, 我咪仲驚, B仔仲係講緊BB話咋~ =.=