501 Part I ~ 錦田俱樂部

1.5.2009

 

今朝同B仔爸接埋公公婆婆B仔一齊去咗川龍嘆茶, 去到都差不多12點, 嘩... 多人到丫~ 好彩等咗唔係好耐就有位, 之但係點心俾人攞晒, 要等佢新鮮出爐, 無西洋菜, 得返菜心同油麥菜, 我地叫咗菜心咋~ 都係西洋菜正!

 

篤牛肉食緊既B仔, HAHA...

 

 

食飽飽係度呆坐?! 當然無咁便宜我地啦~ 食飽又係度發爛咋, 要人抱, 要走呀! 激C人啦~~

 

 

之後我地去咗錦田俱樂部玩, 未去過, 第一次去~ 好彩去得及時, 入口傍個小型停車場得返最後一個位, 剛好就俾我地泊咗, 遲一部車都無位呀! HAHA... (不過佢應該係另一邊有個停車場)

 

個度有塊田種咗蕃茄同埋其他蔬菜, 仲有好大塊粟米田呢~

 

 

有個大草地, 確實好大下~ 人仔又可以係度跑, 係度玩, 狗仔又可以係度散步~ 仲有人放風箏添呀~ B仔見到d風箏係天空度飛, 係咁指住呢~

 

 

中間有個BBQ場~ 都好大下呀! 又有蓋, 都唔錯~ 78蚊一位, 任食四小時, 好唔好味就唔知! haha... 搵次去試下都好!

 

個度有小朋友係度踢波, 有個小妹妹同B仔差不多大, B仔見到人地踢波, 好興奮咁走埋去, 以為佢同人一齊踢啦~ 點知...... 佢想佔有個波, 攬住個波, 我地話個波唔係你架, 俾返姐姐啦~ 佢就攬住個波喪喊...... =.="""""" B仔媽唯有抱返B仔, 俾返個波人 (真樣衰)

個姨姨話個波係度租架~ 俾按金就得, 於是B仔爸就用咗30蚊按金租咗個足球俾個"皇帝仔"玩~ 同公公係度踢波呢~

嘩... 似唔似頭頂"tsui"呀?! haha..................

買埋吹bubble玩呢~ (bubble係B仔爸同B仔媽玩, haha...) B仔媽吹個支嘢會發聲, B仔聽聲就喪笑, haha... 確實好得意呢~

個度仲有個電動車場~ B仔一見到咁多車車, 發晒癲咁要坐車呀! 25蚊玩15分鐘, B仔爸亳不猶豫就付出25蚊俾個寶貝仔坐車車! B仔超開心呢~ 自己駕住車車四圍走! (當然B仔爸在傍邊傍實啦~)

玩到三點幾就走~ 越黎越多人呢~ 走時係路口塞咗一輪, 因為單程路, 又多車入, d車又塞住晒, 等咗好耐至走出呢個塞車困境呀! 送咗公公婆婆返屋企我地就回歸~