又到無節目既星期六

9.5.2009

 

禮拜六, 又無節目, 食早餐+午餐時, B仔又發癲~ 唉... 怕且家陣係除咗去飲茶, 出街食其他嘢都唔洗指意有啖安樂茶飯食! 唉... 呢D咁麻煩既日子幾時至捱過呀~ 幾時至可以乖乖坐定定食埋嘢先呀?!

 

食完嘢就去買餸, 之後返屋企hea~ hea~ hea~ hea到B仔午睡~ 瞓咗兩個鐘左右就醒咗! B仔午睡, B仔媽就煲竹蔗茅根甘筍水~ 正!

 

天氣太~ 熱, 所以無着褲~ haha...

 

 

整古做怪~

 

 

四點幾B仔爸有嘢搞, 今晚得B仔媽同B仔二人晚餐~ 所以無煮飯, 煮烏冬~ 等開餐既B仔仍然好專注地睇電視~

 

 

九點幾B仔就眼瞓想瞓覺, 但佢好似硬係爭D嘢咁瞓唔着...

 

 

叫B仔合埋眼睛瞓覺, 佢就咁.........

 

 

未瞓得着, 無聊兩母子就玩自拍, HAHA...... 用咗個搖控黎玩自拍, B仔見B仔媽禁得咁開心, 佢又攞黎禁, 似乎B仔係禁得至開心個個呀! HAHA...... (D肉酸自拍照就無謂公諸於世嚇人啦~ HAHA)

 

 

玩咗一輪, 嘆咗支奶就瞓到豬的一樣~

 

是日晚餐有......

 

薑葱蒸立魚

 

 

B仔雜錦烏冬 (甘筍粒、節瓜、貢丸、肉碎, B仔成碗食晒咁濟)

 

 

B仔媽雜錦烏冬 (冬菇、節瓜、貢丸、牛丸、火腿丸、芝士腸、芝士丸、肉碎)

 

 

日本南瓜芝士 (係大PK買現醒, 27.X蚊一包, 得六粒, 光波咗10mins, 搞到爆饀添~ haha... 不過都幾好味)