23.5.2009
今日大雨到丫~ 落不停呀!!! 放假至黎落雨, 真掃興呀!!! 瞓醒一家三口落樓下飲茶, 飲完茶就去街巿買餸, 之後就返屋企~
幾個禮拜前約咗珊契媽黎整cake兼食飯, 點知B仔爸有假放喎~ 兼且落大雨, 好彩珊契媽都照黎玩~ haha......
珊契媽黎到, B仔本仍午睡中, 唔知係咪知契媽黎咗, 嗒住奶咀, 拖住條毛巾走出黎笑晒口咁同珊契媽玩呢~ haha......
B仔有B仔自己玩, 我地就係度整蛋糕~ 整完蛋糕都差不多要煮飯! 是日晚餐唔記得影相添~ 不過得粗茶淡飯, 希望珊契媽唔嫌棄啦~ haha...... 是日晚餐有: 蕃茄薯仔滾大眼雞、炸菜蒸肉片、叉燒韮王炒蛋、清炒油麥菜!
B仔媽準備晚餐, 珊契媽就幫手睇住B仔同陪玩~
晚飯過後我地就同個cheese cake裝飾一番~ haha...
為食B仔又黎趁墟, 人地係度裝飾, 佢又係度搞搞震~
搞掂晒~ 為食B仔望住個蛋糕不停咁吞口水呀........ 笑C B仔媽囉~
是日新發現<一>, B仔識得由地下擒上B仔媽張大床(B仔媽張大床都幾高下架~), B仔將隻腳指"鉗"住個櫃桶上面個條罅, 兩隻手係咁扯住床單, 就係咁用力就爬上大床... =.=""""""""
是晚新發現<二>, B仔識得由地下擒上佢自己張床仔入面呀!!!!!!! 危險程度超極高! 一邊床欄校咗去至底個格, 佢就係呢邊底床欄度, 好似蜘蛛俠咁, 兩手捉住d柱, 兩隻腳板同腳指唔知係咪有吸管架?! 係咁"鉗"實條柱就"lee lee 林林"擒咗入床仔, 仲要卡卡笑, 睇到B仔媽目定口呆, 珊契媽都親眼望住呢個頑皮仔有幾反斗呢~ =.=""""""""""
下次等B 仔爸返工時... B 仔媽邀請我小B 去你到食蛋糕好冇?
回覆刪除[版主回覆05/25/2009 12:35:00]好~~ 當然無問題啦~~ HAHA... 再大D一齊黎玩親子整餅都得呀!!!
咁勁! ..唉男仔係咪個個都係咁呢?
回覆刪除超擔心... 我隻涼粉b... 好快就變成咁......! 依家已睇少眼都唔掂!成日好快轉到係床仔到 cake 住自己叫救命囉!
[版主回覆05/25/2009 17:03:00]HAHA... 你涼粉咁叻仔, 應該更加勁~ HAHA... 到時你想BLOG, MSN, FB都難~ HAHA...
呢d天氣真係激死人
回覆刪除係呀, Ryan 又係呢輪識爬上我張床, 上到床仲鬼死咁開心, 夜晚仲表演比我睇添, 比佢激死!
[版主回覆05/27/2009 00:49:00]係囉~ 個衰樣上到去仲要好自豪咁對住你笑~ 真係吹脹~
多謝你
回覆刪除[版主回覆05/27/2009 00:49:00]haha... 遲下輪到你整返俾我食~ yeah~
我依家開始要忍心恨心d 學吓唔理佢... 放佢係bb床到.. 等佢自己玩, 任佢碌來碌去. 流到一床口水都當睇唔見....喪喊就聽唔到....
回覆刪除我就如常上網玩......
如果唔係.. 我真係會痴線.. and 癲婆咁鬧仔
[版主回覆06/09/2009 13:19:00]haha... 要啦~ 小朋友唔可以太就~
咁真係要小心D睇住佢同教佢唔好爬，如果唔係跌親就麻煩。
回覆刪除[版主回覆06/09/2009 13:19:00]係呀~ 睇少一眼都唔掂呀~