16.5.2009
話說B仔星期一(11/5)婆婆帶咗B仔去協康會上playgroup, 第一次呢~ 之但係上堂喪喊~ 怕且B仔仲未識咩叫規距吧~ 仍然按自己意思, 想點就點, 唉... 老師俾餅餅都竟然唔要, 簡值就係神奇呀!!! 結果, 上堂1hr15mins, 佢就喪喊咗成粒鐘咁濟~ 最尾15mins有蛋糕仔食至肯乖乖坐定唔喊食蛋糕... =.=""""""""
星期五晚, 返婆婆家接B仔, 見到有個好有趣既手作仔, 原來係上堂時做的~ haha... 雖然99%係婆婆做, 但婆婆話B仔有幫手架~ 就係幫手搣膠紙, haha...... B仔媽見到B仔所謂既手作仔, 覺得好得意呢~ 唔知B仔幾時至識得做佢第一件手作仔呢?!?!
今日確實頗無聊, 瞓醒食過早餐就同B仔去買餸~ 買完餸行超巿, 買買下餸B仔瞓着咗, 最後, B仔部戰車變咗做貨車, haha......
午睡醒來, 趁B仔坐定定係度睇電視, B仔媽就要佢拎住佢既手作仔黎影返張相留念~ B仔個樣洗唔洗咁無奈呀?!?!
睇睇下電視無啦啦彈起身指住個電視叫... =.="""
呢輪唔知係咪想出牙, 成日塞D手指入口度撩下撩下~
夜晚九點幾, B仔其實好想瞓, 吮住奶咀拖住條毛巾走出廳, 都唔肯瞓......... 所以...... 搞到B仔好似亞拉丁咁, haha...
又拎B仔爸鑰匙黎玩, 係度鎖緊門呀~
今晚B仔爸對住四圍走, 四圍擒既B仔頗勞氣, 但又無開口鬧B仔, 之但係一副忟薑樣, haha......
是日晚餐有......
合掌瓜粟米甘筍湯 (正, 好清甜~ B仔都好鍾意飲)
粟米蝦餅 (今次好味過上次)
蒜蓉蒸貴妃蚌 (廿蚊有六粒, 都幾好味~)
甜酸魚柳 (失敗之作, D汁味道無問題, 之但係D魚柳醃得太...... 咸, 同埋B仔爸係唔鍾意食呢個汁~ 所以出街都幾難至食到生炒骨)
甜酸魚柳好足料喎!
回覆刪除好搞笑揸住支花唔郁ＨＡＨＡ！
回覆刪除我個哈哈返左成半年ＰＬＡＹＧＲＯＵＰ啦。。。佢無喊不過係勁走勁走。。。自己搵野玩囉。。之後上左幾個月就好左。。會ＪＯＩＮ先生一齊上堂。。點知呢排又勁走過。。我都好頭疼唔知佢搞咩。。不過我估可能佢覺得玩Ｄ野悶所以唔理先生。。ＨＡＨＡ！
[版主回覆05/19/2009 13:15:00]唉... B仔係不受人控制~ 叫佢坐唔肯坐個D呀~ 佢要返多D學至得~
Ryan 呢輪又係成日塞隻手指入口度, 可能出牙唔舒服!
回覆刪除係喇~個個男人都唔多LIKE酸甜餸. 真奇怪!
回覆刪除我真係覺得你幾勁架~常常湊仔可以煮到咁多正餸!
回覆刪除[版主回覆05/20/2009 12:27:00]有咩咁勁~ B仔爸係度睇住個仔丫麻~
嘩...其實我真的好佩服你啊 , 又要湊住B仔, 又要去街市買埋材料煮埋晚飯,真係好勁呀... 我星期六日在家都只係叫外賣咋....
回覆刪除[版主回覆05/20/2009 12:28:00]HAHA... 有車仔去買餸唔係問題, 如果無車仔就好大問題~ HAHA...... 整餸煮飯有B仔爸睇仔麻~
回覆刪除呵呵....B 仔你又扮得幾似喎!!!
[版主回覆05/20/2009 12:28:00]HAHA......
出牙仔可能會扭計D，咁爸爸媽媽又要忍耐吓LU...
回覆刪除