第一次上Playgroup

7.3.2009

今朝B仔媽要返工, 婆婆尋晚係度過夜, 因為今朝B仔晨早9點半要去上第一堂Playgroup呀~

B仔爸放工返到黎就去咗接B仔同婆婆放學, 婆婆話B仔上堂上一個鐘, 喊就喊咗8個字 =.="""""""

唉... 人地要佢坐係地墊度排排坐, B仔就唔肯, 要走人, 見到車車又要走去坐, 但人地又唔係玩車, 唔俾佢做想做既嘢就喪喊 =.="""""

不過, 老師同婆婆講, 初初返係咁, 上多兩三堂會好D架啦~~ 希望啦! 一班6位小朋友上堂, B仔最細, 其他都2歲至2歲半架啦! 個個都聽話上堂, 係B仔係度喪喊! 下個星期六輪到B仔媽帶B仔上堂啦, 唉... 真係有d怕怕呀! B仔婆婆仲叫B仔媽到時唔好當咁多人面前鬧B仔=.=""

可能晨早起床, 11點幾就瞓, B仔媽放工買埋餸返屋企都未瞓醒, haha...... 瞓醒覺就玩, 又係搞到間屋好似俾人打劫黎咁!

玩玩下又同B仔爸係sofa睇電視, 睇到幾入神~

發現B仔媽影相添~~

B仔條疤無咁凸啦~ 但就仲係紅紅地, 好彩有眉毛生返! 不過都仲係好稀疏!

依家d天氣真難搞, 着得衫少又驚凍親, 着得多又出汗, B仔有陣"縮"味, 夜晚都冒險同佢沖多次涼~

今晚又扭計扭玩至11點幾至肯瞓, 吮兩吮個奶咀就瞓到豬的一樣, HAHA....... 好BB樣呀~ 同細細個時個瞓覺樣一樣架~