2.11.2008
嘩...... B仔媽尋晚好似無瞓過咁呀! B仔瞓下又喊兩聲............ 到好夢正甜時, 一到朝早七點半又要食支奶, 食完再瞓, 之但係......... B仔8點半就醒, B仔媽實在唔想郁呀, 好想繼續瞓呀 >.<
之但係, B仔玩玩下放咗個臭屁, 嘩... 臭到丫~~ 跟住企係度唔郁, B仔媽醒晒啦, 咋咋臨抬佢去Toilet開大大啦!
開完大就沖個靚涼, 換件靚衫準備去開餐! 之但係... B仔爸仍唔願郁, B仔就係咁等呀~~等, 等到悶晒......
玩下波波先............
去咗樓下飲茶, 由頭食到尾, 勁! 之後去咗沙田探嫲嫲, 嫲嫲話爺爺想見B仔喎~~ 唉... 上個禮拜又唔一齊黎見, 真係煩!!!
去到嫲嫲屋企, 一見爺爺都未喊, 但爺爺一抱, 望咗幾望就開始喊! 跟住望到嫲嫲就喪喊! 抱都唔俾抱, 掂都唔俾掂! 嫲嫲係咁話B仔好細膽, 查實B仔係見佢至係咁遮, 關細膽咩事! 就算第一次見嘅人都唔會喊!
坐咗一陣就去咗一田shopping~~ 用咗上次嬴返黎嘅coupon買嘢, 買咗一件外套, 一件衛衣同一部玩具搖控車俾B仔, 用咗700蚊Coupon! 仲有300蚊留返下次用! hehe...
買完嘢就返婆婆度食粥粥lu~~ 食飽飽B仔媽帶咗B仔係樓下公園玩一陣, 之後公公黎搵孫, B仔一見公公行埋佢度, 衰到呢~~ 即刻"櫃"係地下, 跟住爬地扭計要公公抱呀! B仔識得蝦公公呀!!! B仔媽同B仔一齊時都係抱咗一次, 之後要佢行佢都無扭B仔媽抱架!
去完公園返婆婆度洗白白等開飯!
B仔又會咁唔鐘意返嫲嫲度嘅?嫲嫲鬧過佢嗎?
回覆刪除[版主回覆11/05/2008 09:55:00]都唔知點解! Haha......
b仔同boy boy一樣呀, 每次見親老爺同奶奶都喊到cc下, 跟住佢地兩個就會話boy boy好認人囉, ee俄俄囉, 真係好煩呀!
回覆刪除[版主回覆11/05/2008 16:49:00]BOY BOY果然係叻仔! haha........
嘩~上次贏返黎嘅coupon有成$1000，再加埋禮物，真係好豐收喎！
回覆刪除[版主回覆11/06/2008 13:49:00]係呀! $500一田現金卷, $500遮仔個間bb衫, 但遮仔d衫最細100碼, 都仲未啱b仔, 但今個月尾到期, 買定出年至着到! 唔好蝕俾佢丫麻~ hehe.....
PEKKLE BB SHOP 有時間入來看看, 可能找到心水貨品架...品牌: MIKI HOUSE , COMBI MINI , BABY GAP , NEXT , NISSEN........多款選擇...
回覆刪除http://hk.user.auctions.yahoo.com/hk/booth/virgko?userID=virgko&catID=&catIDselect=&clf=&u=:virgko&s1=end&o1=a&at=true
b仔張櫈好型呀~~
回覆刪除[版主回覆11/06/2008 13:46:00]haha... 係trend記買架~~
小瑜都係蝦麻麻架..一見麻麻就要抱
回覆刪除我估真係胎教呀, 所以連B仔對佢麻麻都有咁既反應
[版主回覆11/08/2008 23:00:00]hehe........ 胎教果然好重要呀!
b仔又唔同咗樣喇!
回覆刪除大個仔哂~
係喇~我第一次見張b仔時, 佢都笑既....下次我帶涼粉見您地吓~嘻~
回覆刪除本店新開張,有大量有型,新潮,可愛嘅童裝!
而且會陸續有新貨上架,歡迎參觀選購!!!
新張期內,購物滿200蚊,仲可以有九折優惠!
(如有打擾,敬請見諒)
食飽就開大...真係同哈哈一樣...
回覆刪除你而家比佢坐大人塔去大大啦...哈哈仲唔肯呀....HELPPPPPP
[版主回覆11/12/2008 23:01:00]婆婆個度就有痰罐, 但我個度無買痰罐, 買咗塊bb廁板及上去囉!
第一次唔肯坐架, 但我迫佢坐, 俾d玩具佢玩, 當然都係開唔到大!
但試多幾次佢就得, "某"係度對住佢係咁"唔", "唔"到腳都軟呀!