無節目星期天

23.11.2008

尋晚B仔成晚係咁"褲"被, 搞到B仔媽成晚瞓下醒下, 驚凍親B仔, 好似成晚無瞓咁 =.="""

晨早5點幾食咗支奶, 9點幾就瞓醒, B仔媽就無得繼續瞓囉~~ 又係度搞搞震, 爬去窗台禁部hi-5, 遲早俾佢禁壞 =.="""

又去搞隻玩具狗仔! B仔好鍾意呢隻狗仔, 應該因為佢曉郁掛!

B仔媽拎咗米奇走馬燈個蓋笠係B仔個頭度當帽戴......

當然無咁順撻啦, 2秒後就想除咗佢囉～～

跟住人仔細細學人打機添呀~~ 嘟到個咀仔長到呢~~ HEHE................

瞓醒就整粥俾B仔做早餐, 食飽飽就落樓下M記食嘢, 好耐無食M記包包啦! 口痕突然好想食, haha.....

食飽飽就返屋企lu~~ 又黎搞搞震, 拎住d搖控對住部電視係咁禁禁禁..........

見人飲汽水佢又要飲, 但無飲管, 飲唔到, haha.....................

臨返婆婆度前落咗樓下公園玩咗一陣, d大細路真係呢, 亂衝亂撞, 都唔睇人既, 見到d肥皂泡泡波就發晒狂咁 =.="""" B仔媽真係怕咗佢地, 唯有抱住B仔係度望泡泡波!

玩咗一陣就出發返婆婆度lu~~ 返婆婆度前, B仔媽帶咗B仔去睇涼粉BB呀~~~ 涼粉屋企實在太多誘惑, B仔完全唔理B仔媽, 完全唔呷醋, 話之B仔媽抱住涼粉呀! 仲老實不客氣係涼粉屋企四圍行黎行去添呀! (B仔第一次去架咋), 坐咗一陣就返婆婆度lu~~