1.11.2008
今朝放工返去屯門湊B仔, 同婆婆、太婆、太嫲、堂舅母同埋堂表弟仔一齊飲茶!
堂表弟仔兩個月人仔, 已經有15磅, 勁呀!!! (B仔一歲至得20磅 =.=""")
婆婆抱住堂表弟仔, B仔都無呷醋, 婆婆仲抱住BB放係B仔上面, 佢仲好好奇笑笑口咁摸BB, 仲係度拍BB添呀! 可能當佢係玩具呀! Haha.........
堂表弟仔一於好少理, 繼續眠眠眠.....................
B仔: 媽媽, 點解個BB坐係度都瞓得咁冧架?! 拍佢又唔醒!!!
堂表弟仔: 哼! 頭先邊個打我呀, 嘈醒人地, 係咪想"漏"打先! (B仔唔夠人打, 即變鵪鶉..........)
婆婆抱完到B仔媽抱下先, B仔媽一抱, B仔呷醋呀! 即變面......... 黑面......... 黑到呢~~ 唧都唔笑呀, 係咁望住電視, 唔望B仔媽呀! 應該得B仔媽真傳呀!!! Haha....... 
B仔媽見B仔咁嘅樣, 即刻俾B仔爸抱, B仔至無事繼續玩返咋~~ 真係估唔到, B仔對婆婆多過對B仔媽, 唔呷婆婆醋反而呷B仔媽醋, 查實B仔媽在心裡真係感到好欣慰! 
重磅嘅BB真係零舍唔同! 真係好好抱, 好硬淨, Haha........
飲完茶我地就返屋企~~
B仔終於識得將個星星穿入條柱度啦~~ 但只限穿一個!
唔知點解抆返出黎要挈到個口咁大黎借力呀?!
學人摷玩具玩添呀~~~~~~~~
b仔媽, 我驚覺有幾個b仔樣有d似洛洛呀~
回覆刪除個髮型都有d似
[版主回覆11/04/2008 15:59:00]Haha....... 兩個都眼大大兼靚仔麻~~ Hehe...
個BB真係好大隻啊!
回覆刪除[版主回覆11/05/2008 09:56:00]係呀, 抱上手好好抱添呀!
堂表弟好有份量呀!b仔又大個左喎!
回覆刪除[版主回覆11/05/2008 17:08:00]係呀, 真係好有份量!
好勁呀!兩個月有15磅, boy boy而家九個月先17磅咋, 真係一個巨b黎
回覆刪除哈哈!b仔咁攪笑, 識得呷醋呀!好得意呀!
[版主回覆11/05/2008 17:09:00]係囉~~ 實在太勁, 之但係勁得濟要減肥就慘!
因為b仔知道b仔媽最錫佢嘛~ 個b真係好大個, 塊面d肉都跌出0黎啦~
回覆刪除[版主回覆11/05/2008 17:09:00]係呀, 真係好好肉地架~~
哈哈你下次來抱涼粉b, 你仲會覺得一d都唔似初生bb
回覆刪除我第3天能下床去餵佢時. 一抱上手.... 已覺得好似2個月大咁既...
涼粉爸在涼粉一出來果下抱佢時... 都問我和醫生 ..點解好似滿月咁大隻既?!!
所以我依家已諗...同佢沖涼應該一d都無難度!哈
[版主回覆11/10/2008 23:23:00]好呀~~ 等你通知去探你同涼粉呀!!!
haha.......... 涼粉爸好搞笑呀!!!
BB係咁架~~最好媽咪只錫佢一個只抱佢一個~~所以我一向都覺得生一個就夠啦~~唔係日日爭寵~~有排煩啊~~
回覆刪除[版主回覆11/10/2008 23:24:00]haha... 咁你幾時生返個b呀!
B仔既堂表弟好勁呀.......佢大左可能會蝦到B仔..HAHAHA
回覆刪除