13.11.2008
話說星期一時去咗Venture影相, 今日放工去睇相, 開始時好似係度睇緊電影咁, 大投射, 續張續張播片咁播俾我地睇, 邊睇邊心諗, 個攝影姐姐影d相唔多掂, 唔係咁捕捉到B仔d表情, 覺得影得算係好既就真係十隻手指數得晒, 而能令我地真真正正想揀既就真係得5,6張!
話就話得5張鍾意, 之但係個度d product咁貴, 送就只送得一張, 其餘4張都好想要埋佢, 之但係, 至細個個5" x 7" 相架都千六蚊, 要埋個幾張就真係唔止標血, 噴血都似!!!
我地揀黎揀去, 最後都揀多兩張, 因為實在太難決擇啦!!! 結果, 用咗三千大元買多兩個細相架! 查實都好肉痛架! 但真係鍾意呢兩張, 人一世物一世, 豁出去啦! 要差不多2個月至有得拎, 因為佢地send去英國造!
所以B仔媽又要努力賺下錢至得!!! 希望賺到返黎啦!!! 六合彩又唔見我有份中!!!
離開咗Studio之後, B仔爸同B仔媽都不約而同話"好彩個攝影師姐姐影得差咋", Haha......................
好貴喎!
回覆刪除好彩你地忍到手,我就花左$2xxxx向venture,同我當年影結婚相的價錢差唔多....真係肉痛死我啦.....
回覆刪除[版主回覆11/14/2008 09:19:00]嘩............................ 二萬幾! 真係唔捨得呀! 雖然個度d product都好靚! 家陣經濟咁差, 唔可以咁豪爽呢~~ 好彩個攝影師姐姐影得差咋! haha..............
我唔覺得Venture影既相令....=.=
回覆刪除[版主回覆11/14/2008 12:35:00]靚唔靚就見人見至, 但就真係超勁貴!
2張相就3千幾, 仲貴過影婚紗相, 真係搶錢! 唔揀既相相底會點處置架?
回覆刪除hi, 我地有好多得意BB衫, 有時間黎睇睇啦！請多多指教！
回覆刪除http://hk.myblog.yahoo.com/babysweethouse
好貴呀....!
回覆刪除[版主回覆11/14/2008 17:27:00]會留返係個間公司度囉, 佢又無得買返相底!
下..睇到我眼仔突噃..咁貴嘅 ?
回覆刪除[版主回覆11/15/2008 00:12:00]唔止貴, 係超超超............ 貴呀! 黎緊幾個月要慳d洗至得!
喺Venture影相，出名超貴！EE點解會揀lee間？
回覆刪除大拿拿$1600，可以影多幾輯相，分分鐘有大把靚相啦！
[版主回覆11/15/2008 00:11:00]咪就係個次一田個比賽其中一個獎品囉! 送一張10"x8" only, 但揀多個兩張又鍾意, 唉.............. 咁就一頸血!
好彩你忍到手咋...我有同事....影左成萬銀呢....真係勁呀!! 係呀,....我今日收到對鞋仔啦!! thx!
回覆刪除[版主回覆11/15/2008 09:44:00]係呀, 果度一件product閒閒地都成皮嘢上樓架!
venture係好貴架~~ 好多人都覺得佢影得唔係好好添添呀! 點解你唔去CHARLES度影呀?!
回覆刪除[版主回覆11/15/2008 15:25:00]咪就係個次一田個比賽其中一個獎品囉!
為左B仔幾錢都值啦~~係咪~~
回覆刪除哇..,真係好貴呀, 點解咁貴但個攝影師咁唔掂架?
回覆刪除[版主回覆11/16/2008 17:03:00]我都唔明解! 好彩佢唔掂, haha...
嘩! 真係好貴喎!
回覆刪除