27.10.2008
尋日開始發現B仔有幾聲咳咳, 於是今日請假帶佢去睇陳醫生! oh... 睇黎黎緊禮拜六/日都係唔探得B女lu~~ B仔, 媽媽等B女出世等咗好耐架啦, 見到B女咁得意不知幾想帶你一齊去探B女呀, 但你就...................
陳醫生話應該係鼻水杰, 流落喉嚨又唔識吐出黎所以會咳, 尤其是瞓醒時! 開咗兩支藥水, 一支係令到鼻水唔好咁杰, 一支係化痰!
睇完陳醫生就返婆婆度! 趁B仔瞓覺, B仔爸同B仔媽去咗睇場戲拍下拖先~~
<歌舞青春3：畢業嘉年華> 都幾好睇喎, 有d歌都幾好聽! 個男主角都幾靚仔呀!
希望張B仔快d好番啦!
回覆刪除之前先病病完., 可能依家先出痰呀!
回覆刪除你可以買定 位記既 "猴棗散" 看門口!
化痰的! 朋友話飲咗呢.. 小朋友係會排毒時排埋d 痰出來
[版主回覆10/30/2008 23:41:00]我都有聽過猴棗散呀~~ 但家陣唔知食唔食得!
柏滔媽教我用鮮百合煲粥囉~~
B仔快d好番啦!
回覆刪除慘囉。。。。
回覆刪除喂。。我成日都間唔中比保嬰丹ＯＲ 猴棗散 哈哈飲架。。。。當保養２－３ＷＥＥＫＳ一次。。。 一醒起就比支佢。。。你都ＴＲＹ ＴＲＹ。。。
回覆刪除[版主回覆11/04/2008 15:21:00]哦...... 咁係邊樹買呀?
我係余仁生SHOP買的...
回覆刪除如果你只係想買保嬰丹可以去MANNING, 佢一盒有6支..70幾至80左右同余仁生SHOP差不多..
BUT如果 猴棗散就要去余仁生SHOP啦...16X 一排6支..MANNING得1支裝架咋..貴少少...一排抵D.. 因為係都會KEEP住間唔中比佢食架嗎...
[版主回覆11/05/2008 09:57:00]哦.... 搵日去睇下先