26.10.2008
今朝B仔爸放工, 諗住B仔食完粥粥就一家三口去飲茶, 跟住去屋企附近個消防局Open day, 點知...............................
一個電話, 無去飲茶, 一個超級大哈蜜瓜, 無去玩! 咩節目都無晒, 難得B仔爸呢輪唔忙, 難得Happy Sunday家庭樂, 難得可以同B仔去玩下, 結果就係去完嫲嫲度就返屋企, B仔媽同B仔無所事事, B仔爸就睇佢d馬馬! 睇黎黑面B仔媽實又會俾B仔爸訓話啦~~ 爭在幾時俾人訓!
B仔爸今朝至話見B仔係屋企自己不停咁行黎行去好似好悶咁, 仲話要帶佢去多d街, 講完都未夠半日, 邊度都無去過!
唉...... B仔鼻水收晒, 之但係下晝三四點開始有幾聲咳咳! 明天B仔媽攞咗假帶B仔去睇多一次陳醫生囉~~
尋日買咗支牙刷俾B仔, 今朝教佢刷牙, 當然仲未識啦~~
旁晚睡醒, B仔爸開咗個波波池俾B仔玩, 兩仔爺勁掟波波...
呢排勁流口水既B仔~~~
就係呢隻超級大哈蜜瓜, 搞到咩節目都無晒~~
趁個超級大哈蜜瓜未俾B仔爸劏開, B仔就係咁當哈蜜瓜係波咁碌! 但碌兩碌已失去興趣, 因為個瓜確實好重!
口水多到頂唔住, 要戴返條口水肩至掂~~ 出前面上下共8粒牙仔時都無今次出大牙流咁多口水, 果陣都唔洗戴口水肩呀!
B仔媽最近買咗益智遊戲返黎玩, B仔爸玩緊時, B仔又係度倒蛋, 唯有開另一盒俾佢玩, 一人玩一盒, Hehe.............
咩大哈蜜瓜?
回覆刪除嫲嫲突登叫你地回去吃?
[版主回覆10/26/2008 23:08:00]我地帶B仔去見佢嫲嫲, 成日叫佢唔好買嘢架啦~~ 今云買咗個超級大哈蜜瓜, 同亞嫂一人一半佢又唔要!
b仔好叻呀, 肯用支牙刷刷牙 (雖然佢宜家仲未識, 但起碼唔抗拒)Ryan到宜家日日同佢用紗布抺牙都 E嘩鬼叫
回覆刪除[版主回覆10/27/2008 15:04:00]B仔係放入去郁一郁就掉咗支牙刷呀! 佢見我係度刷佢至學我塞入咀咋~~ 不過係刷脷唔係刷牙! hehe...
無辦法啦! 有老人家係咁o架喇!
回覆刪除就係因為個哈蜜瓜所以要返屋企邊度都無得去呀? 嫲嫲真係對你好...........呀 !!
回覆刪除出大牙係好煩呀, 流口水事少, 唔肯瞓同超忟憎先事大呀, B仔有無勁忟呀?小瑜出大牙時忟到好似我想劏佢咁呀...依家出完又正常返!
[版主回覆10/27/2008 15:05:00]唉............... 托住隻咁既嘢仲去得邊!
B仔又唔覺佢勁忟, 但就勁塞隻手指入口係度"了"
回覆刪除蒲 普衣 櫃 專營美國品牌童裝及嬰兒用品
所有貨品均在美國購入(絕非貨辨或剪牌貨)，並由美國直接寄到府上！
B仔大個好多,老積好多,
回覆刪除我奶奶都是這樣的,不過,我唔so好她,
[版主回覆10/28/2008 16:05:00]佢由出世到家陣都係老積仔黎架~~
唉... 我老公so呢 =.="""'
(Empty)
回覆刪除係咪又準備出牙仔呢?所以勁易流口水呢?
回覆刪除[版主回覆10/28/2008 16:04:00]係呀, 出緊大牙呀!
死火.我都唔明.係咪因為有人俾左個melon你地.所以你地要拎返屋企呀
回覆刪除[版主回覆10/28/2008 23:20:00]托住個又大又重既哈蜜瓜, 想去街都難, 唯有返屋企! 個個人咪係對我地好好個個好奶奶囉~~
佢地而家好鐘意碌野。。真係唔明。。。
回覆刪除