尋日終於去咗睇驗身報告, 一切正常, 實在太好啦! haha...不過係個間化驗所真係等好耐, 等驗血又等成個幾鐘, 等睇報告又等咗個幾鐘, 原來得個一個醫生講報告, 排係我地前面個一pair都唔知係咪報告有事, 聽報告聽得勁耐, 成半個鐘都未出黎, 原來係勁多問題問醫生... =.=
去聽報告前的空當, 去咗百利睇衫for註冊個日着, 睇中咗一條白色, 清得黎都幾grand嘅連身裙, 可以度身訂造, 而價錢又唔係貴, 同埋着黎擺酒個晚送客用都得! 之後睇咗幾間都睇唔上眼, 因為我同張先生都鍾意個條裙, haha...maybe下個禮拜去造裙吧!!!
今日放工做完facial行咗一陣街, 見到有間鋪有得買我最鍾意嘅precious moment嘅結婚公仔, 所以入去問下價錢, 一對公仔900蚊, 若果想加d accessary的話就要加300蚊, 因為人手製造, 但真係好靚, 好可愛, 好鍾意呢~~~~~~又可以放係酒樓度當裝飾!!! 今晚同張先生商量下先得!!!
尋日上咗深圳睇相，本來懷着一顆興奮嘅心情去睇相，可能希望越大，失望真係好大，覺得影得唔係好靚，麻麻地，尤其是外影個輯，真係唔係好靚，好在無去海灘轉咗影印度風情，整輯相影得最靚都係印度風情，其他就真係唔係好靚呢~~ 仲話係其中一位首席攝影師... =.= 可能係我同張先生要求高，眼角又高吧!
我諗佢地影咗二百幾張相，第一輪我地揀咗一百零九張，跟住篩選咗好幾次，由百零張減至九十幾張，再由九十幾張減到82張，揀到淨返九十幾張時，我覺得已刪無可刪，因為我覺得有d都唔差，可以唔落相簿，但可買相底自己晒，25蚊張都仲可接受(由29蚊講到25蚊)，但張先生又話我係又揀唔係34ert6321`wsxdcv65rdf6gtb 又揀，淨係睇自己個樣靚就要，唔睇成張相嘅意景，咁我覺得個d ok自然想要架啦，況且我都已經割愛咗十多張，都係俾22張相底錢遮...最後搞到我發晒脾氣，叫佢覺得邊d唔好自己刪晒佢，刪淨60張唔洗加錢買相，唔駛煩!
同時，另一邊廂因為水晶相架整細咗，俾多2張銀包相連相底，但銀包相對我地黎講真係無乜用，問個職員可唔可以唔要銀包相換兩張相放落相簿(因為張先生都唔用銀包嘅)，又打死都唔肯換，自己心情已經俾張先生搞到唔多好，咪同個職員講人地個plan又平過我，送d野又多我好多，我都算，人地唔借衫可以換多5張相，佢地又唔俾我地咁都算啦！
張先生又搭嘴話俾錢之前就乜都得，俾錢之後就乜都唔得，個時我已 經面黑黑，咪叫跟開個個主管甜甜黎傾，甜甜依舊個句，唔同時期有唔同優惠，我地過年個排又話係最多優惠，都係佢地講晒，初初都係因為想唔要銀包相換2張相底遮，佢地就以為我地想攞多d着數...最後甜甜就話送8張銀包相俾我地，但我地都已經話咗銀包相對我地黎講無用，最後佢話送本7寸相簿俾我地，張先生睇過個版就話無厘特別，話要銀包相就算，我就話無用，最後要咗本7寸相簿!
深圳始終係深圳，影完相又話一星期內會電話通知睇相，但等咗幾日都未有電話到，已經特登打電話上去約，約下晝又話安排唔到睇相，好啦唯有約夜晚，但去到又問返我地轉頭有無約到，話搵唔到我地預約嘅資料，之前約改期影相個日又係咁，又係遺忘咗我地張單，結果原本個化妝師幫唔到我化妝，都唔知d人點做野...
原本滿懷高興嘅心情去睇相，最後變成發脾氣收場(其實係發張先生脾氣)，可能係要求高眼角高，所以覺得d相影得麻麻地，都好嘅...唔駛用咁多錢買靚相，依家都係用500蚊買22張相底! 仲有多一本7寸相簿同埋多一個水晶相架!
今晚打咗個電上去問星期六有無得睇相，有得睇，但係朝早十點，實在不可能呢！因為要返工，個度個職員講淨係得朝早有同事跟睇相個part，下晝無得睇，但真的好想快d睇，星期日張先生返工又無得上去睇, 最後唯有妥協等到夜晚七點先可以睇！
*********************************************************************************************
剛剛收到一位亞姨嘅來電(係媽咪嘅very very best friend，其實佢打黎搵媽咪，但佢瞓咗)，同佢傾咗差不多大半個鐘，都係圍繞住結婚嘅事，佢話佢同媽咪提議過將禮金買對錶俾我地，唔好買金器，因為金鐲老爺奶奶會買，金鏈個d其他亞姨會送，同埋錶實用d，個位亞姨又話女家d禮金係女家收，唔可以俾男家 =.='' ，唉~~ 有咁多錢找酒席數先得架! 鬼唔知亞媽係女人咩......唉! 
最慘係佢以為張先生儲埋好多(我諗媽咪都係咁諗)，係就唔駛拍咗成六年幾拖，唔駛話結婚但一年推一年都推咗好幾年啦......! 依家又要養埋部車，儲得以前嘅一半，已經好擔心到時唔夠錢，同埋自己都唔敢亂咁洗錢，都好幾個月無去shopping買嘢......佢仲話叫我地結婚前裝修下間屋先，又係錢......唉! 
之前同爸爸媽咪都講好咗人情我地收晒黎俾酒席錢，唔知媽咪聽完呢位亞姨嘅意見之後會點睇呢？唉...希望維持原判啦！真係好擔心到時臨門撻Q，媽咪一句話收埋女家人情，到時真係唔知點算，點儲都儲唔切架 =.=''
煩、煩、煩、好煩呀......
搞到今晚無睇到<我係金三珣>添...就算有得睇都無心機睇......不過好在姐姐仔借咗俾我可以遲d睇遮...hehe (苦笑)......
今日天朗氣清兼有微風, 是郊遊的好日子，所以同張先生去大尾篤踩單車，踩咗兩三個鐘, 真係累透了! 踩單車之前，係鹿頸停留咗一陣，張先生做乘客，而我就自上次係西貢開過一次車之後，今次係第二次駕車，仲要係由鹿頸開到大尾篤，係最長的一次囉! haha...張先生讚我駕得不錯添! ^o^
去到大尾篤，係大霸個度踩，真係少做運動，踩咗一陣已經好攰，但踩到盡頭就無得再入，因為封咗。想當年初初同張先生拍拖，由大埔踩單車入大尾篤，再由大尾篤踩回大埔交車，當時的情景仍在腦海中浮現，那次真係極辛苦，因為要趕返大埔還車!haha......今次就唔咁笨啦!
離開大霸, 我地踩單車四圍睇村屋，發下我地o既材屋夢! 沿途有好多材屋，但要數有特色同靚o既就只有少數! 唔知幾時先擁有屬於自己同張先生o既dream house呢?
沒想到今日係大尾篤會遇到朋友，張先生係度猛同我話 '你個friend'，但望黎望去都見唔到，原來係Human，haha...她與男朋友同埋朋友去釣魚呢! 真係巧合啦!
今日上o左深圳繼續影埋餘下o既婚紗相，一大清早就起床(仲早過返工...)出發，不知是否影相個度忘記咗我地約今日影相，所以原先幫我化妝o既Lucy好忙，幫唔到我化妝，搵咗另一位junior d o既staff幫我化，幸好都化得唔差! 而攝影師David就要同另一pair輪住影，不過咁都好，係等待o既時候可以同張先生自已用digital影，haha......
今朝上到去就揀外影着o既婚紗，但款式唔多選擇，最後揀咗件金色o既衫，唔駛成日着婚紗咁普通! 化好妝就去錦繡中華影外影呢! 我覺得其實個度都好多中國特色可以影，如果着住件旗袍四圍影都幾靚 (不過影咗o既景就唔係好多)，可惜肥得濟，着唔到旗袍，幸好都揀到套近似旗袍o既衫，hehe...
不過全程最搞笑就係當另一pair影緊相o既時候，隨行o既一位攝錄師就幫我地拍movie，真係好搞笑，影我同張先生拖住手仔, 行黎行去，成日叫我地一路行一路傾下計，唔駛理佢，我地兩個都唔知講乜好，唯有係度講下d無聊嘢，haha...個攝錄師哥哥又叫我地坐係草地上猜梅，若我嬴咗就扭張先生耳仔(佢唔鍾意人地扭佢耳仔，hehe...終於可以名正言順而佢又無得選擇o既情況下俾我扭咗2次耳仔，hoho... ^o^)，若張先生嬴咗就可以鍚我一啖，haha..都幾好玩喎~~~~~
係朝早等安排時，張先生睇咗本相簿，全本相簿都係影印度風情，影得好靚，張先生因為鍾意印度王子件禮服，其實海灘相唔係好靚，所以我地決定唔影海灘相，轉影印度風情，雖然影出黎唔知係咩效果，唔知靚唔靚，但係個造型都幾得，張先生變印度王子都幾有型，haha...而我o既造型都唔差喎，都有幾分似印度西施，hoho......^o^
好緊張呢~~因為個度話一星期內會有相睇，希望可以係黎緊星期六有得睇啦! 唔知影得靚唔靚呢？唔知會唔會影到我塊面成個發水面飽咁呢?......
係深圳發現咗 '新大陸' 呀! 因為係行去火車站期間，見到有間婚紗攝影公司，櫥窗d晚裝好靚呀! 於是同張先生入去睇，睇下d款式同價錢，係個度影婚紗相都唔平，租衫都唔平得去邊，租一件成$1080，但d款真係唔錯，香港暫時未見到有，好過金馬倫道好多間婚紗鋪，有好多直身同a-ine款式, 心思思想係個度租呢~~ 真係好靚好grand架，但張先生嚴貴... =.=
尋日上咗深圳影婚紗相，一共試咗4個造型，婚紗、花神傳說、民初同晚裝，由朝早十一點幾影到成七點，都幾攰呢~~~~攝影師不停叫張先生開心d笑，haha...真係辛苦張先生囉，因為他影相唔鍾意笑，haha...自己都笑到唔想再笑呀！
晚上，係影相附近搵食，行咗大約15分鐘，搵到一間四川豆花食晚飯，個到食四川菜+豆腐菜餚，有d餸好辢，但好好味呢！之後，打算去個新場揼骨，但唔識路，咪截的士，俾個的士佬騙咗，車咗我地去咗個唔知咩地方，於是再截另一部的士，點知返返去我地初初上的士個度，第一個的士司機實在太過份啦！白白令我地浪費咗30蚊的士錢~~ =.= 最搞笑的是，原來揼骨個度同我地食嘢個度隔一條街咋... =.= ...唉!
影相時，搞到個頭成個雀巢咁，噴到成個頭都係定型水，洗咗成4次頭，勁用conditioner先柔順返！haha...今次第一次嘗試泰式按摩，都係覺得中式啱我d，可能係個個技師唔掂吧！按到十一點半時，個技師仲眼瞓過我，按按下停咗，眼尾shou到佢恰眼瞓，恰一恰又扎醒，仲到恰咗成15分鐘，其後另一技師同佢傾計佢先無恰，但個時都差不多按完，係佢臨走之前，要寫tips，有10、20、30蚊簡，我覺得佢按得唔好又恰眼瞓，咪寫10蚊俾佢，吖！點知佢將張單遞俾張先生，叫張先生寫返同另一位技師嘅tips一樣，邊有咁嘅人架？真係大陸極品！而尋晚亦是第一次係骨場度過夜，但瞓得唔好！唔慣生保地方瞓呢！
今朝晨早七點鐘起床，準時八點去到影相個度影外景，但真係天公不做美，大霧兼落雨，連攝影師哥哥都話影外景唔靚！天色唔好就無謂影，所以我地都決定改期再影，希望到個日天氣晴朗啦~~~ ^o^
好期待有相睇個日呢~~ 不過要等多一個星期到！
聽日上深圳影婚紗相，心情原應既緊張又開心，但張先生告訴我，個邊個staff約我地聽朝7:30am集合，但張先生聽朝先放工 ( 就算唔係因為咁都無咁早到啦 )，跟住唔知張先生點同佢溝通，張先生告訴我個個staff話聽日無得影，要改星期一一日影晒，呀！張先生又順佢意喎！我聽後當然無可能啦！影一日半嘅嘢依家group埋一日影晒，佢地硬係無問題架，咁我地咪趕到咩咁！硬係唔得啦！問張先生有無問個staff點解，佢又無問，人話咩佢就咩，激死我啦！完全影響晒我嘅心情呀！！！
返到屋企第一時間打電上深圳聯絡個邊跟個位staff，向佢講返個情況，問個究竟，最後都爭取返聽朝過去影半日，星期一再影全日，都唔知係咪因為我地只落咗訂金，未俾全費，所以咁順我意 (期間佢問我係咪俾晒全費)！
