坐火車

13.3.2010

Oh my god~~~~~~~~~ 尋晚又黎料……………… 2點喪喊, 3點零喪喊, 跟住話要出廳, 出到廳又話要睇電視, B仔爸陪坐一陣佢頂唔順就返房瞓, 一睇就成4點, B仔媽提議B仔睇thomas, 但睇完要瞓覺, B仔話好… 一睇, 都接近四點半…… =.=”””””

好彩睇完Thomas, B仔就極速瞓咗, 一瞓就瞓到9點半至嘈食奶…… 真係…… 又一個Crazy night呀!!! 係婆婆家唔會咁, 點解返到黎屋企會咁架?!?!?!

今日天氣唔多好, 沒意慾去郊遊, 於是一家三口棄 “渣” 車, 坐火車(東鐵)去沙田行街, B仔真係好鍾意火車呢~~ 佢少搭所以就同佢去搭下~ HAHA…… 閒逛咗一陣就返屋企買餸~

見B仔有一兩聲咳, 沖咗杯橙汁(化痰橙汁)俾佢飲, 係咁話… “um…好好味”, B仔真係搞笑呢~~~