hihi: 3月 2010

2010年3月23日星期二

同妹妹一齊睇醫生

21.3.2010

尋晚B仔又黎料... 瞓到點幾兩點又黎合實雙眼喪喊半粒鐘以上, 又係問乜都唔係/唔要...... 真係人都癲呀!!! 成晚又咳...... 之後瞓到九點左右就醒, 嘈食奶...... 醒咗當然無返瞓啦~ B仔爸媽就真係...... 眼都挈唔開咁濟呀!!!

梳洗完就出門去食早餐, 落樓時咁啱遇到龍叔叔一個人去食早餐, 於是就一齊, 咁啱佢晏d帶澄澄妹妹去睇醫生, 於是我地又約埋一齊去睇, 呢幾晚B仔都係夜晚至黎啱, 日頭就無咳... 同埋試下呢頭個個陳醫生夾唔夾到B仔!

龍叔叔個工人Inn姨姨好鍾意撩B仔玩, 原來... Inn姨姨係鍾意仔多過女, HAHA...... 初初B仔都唔肯俾佢拖住行, 到後尾都肯... 仲同澄澄妹妹玩, 兩個笑到卡卡聲添~ HAHA... 好得意呀!

等睇醫生期間, 四圍閒逛, 食下嘢... 因為要等成個幾鐘至有得睇呀!!!

睇醫生時, B仔好鍾意玩個部港鐵火車, 一見就唔肯放手, 有個小朋友想玩, B仔係都唔肯讓人玩, 仲拎第二樣玩具俾個個小朋友玩添, 等佢唔好黎搶佢火車... 真係搞笑...

到見醫生時, 醫生話B仔可能有鼻敏感, 開咗D藥, 之後就一齊返屋企! B仔仲想去妹妹屋企玩, 但大家都要午睡啦~ 下次先啦~ 返到屋企玩咗陣就午睡, B仔媽都頂唔住來個午睡叉叉電! 瞓醒便返婆家!

B仔爸媽準備返屋企時, 公公抱住B仔, B仔扁晒咀仔咁呀... 唔開心... 唉... 雖然扁咀仔個樣好好笑, 但係... 唉... B仔媽都想B仔跟返我地住, 畢竟開始大個啦~~~ 相信B仔都好想跟返我地住! 好快... 過多幾個月啦~ B仔你仲要返N1呀! 媽咪交咗雜費同茶點費架~~~

扭計返屋企

19.3.2010

話說B仔爸今日要返工, B仔媽明天又要返工, 待放工至返婆家湊B仔, 點知...... 今晚放工返到屋企樓下, 睇完大夫, 正在圖書館之際... 婆婆打電急召B仔媽返娘家, B仔瞓瞓下覺無啦啦喪喊要搵媽咪.................... B仔媽唯有急急回家放低d嘢, 墊定包袱返娘家過夜..........

返到娘家, B仔見到B仔媽非常興奮~ 公公婆婆都異口同聲話B仔媽未黎之前, B仔同依家完全係兩個人, 見到B仔媽之後成個開心晒, 紥紥跳... 婆婆仲話B仔成個下晝唔肯午睡, 食奶又唔肯瞓係度食, 係都要坐係度食, 怕且B仔係驚瞓係度食會食食下瞓着覺吧!

B仔開始大個啦~ 知道逄星期五要坐BABA車, 要返媽咪屋企, 平日一至四都唔會有咁既反常表現, B仔媽應該開心, B仔識得要求要返屋企! 過多幾個月返K1時, B仔就長期跟返B仔媽啦~~ 到時希望B仔習慣啦~

2010年3月22日星期一

想跟返工?!

13.3.2010

今朝B仔好早起床, B仔見B仔媽執袋準備返工, B仔邊入房邊話要換衫(去街), B仔媽話要返工, 見B仔媽着鞋, B仔又話要着鞋, B仔想跟埋B仔媽一齊返工呢~~~

B仔媽出門時, B仔想喊... B仔媽唯有話你未刷牙洗面, 婆婆即借D以同B仔去刷牙洗面, B仔媽至能夠順利出門返工... 事後打電俾婆婆, 話B仔一陣就無嘢囉~ HAHA...

到放工即join埋B仔爸一齊返娘家接B仔, 之但係... B仔又喪喊要婆婆跟埋一齊走......

之後去咗巿中心食嘢同埋閒逛咗一陣便返屋企買餸!

返屋企時, B仔好開心呢…

夜晚又同B仔媽玩影相…

古靈精怪…

同小狗搏鬥中…

2010年3月15日星期一

B仔近況

B仔近況……

1. 唔知點解B仔跑步可以跑得咁快~~~~~~ 有得玩, 跑好耐都唔會叫攰

2. 近期鍾意雙腳跳起

3. 每朝返學都叫婆婆坐係學校門口等佢……

4. 自從Fion姨姨送咗個Gorden (Thomas & Friends)俾佢, 就超級熱愛Gorden

5. 成功戒奶咀, 雖然間中仲叫媽咪買奶咀, haha……

6. 鍾意唱ABC Song, 不過仲未識唱最尾個句

7. 識跟住唱小愛因斯坦, Thomas首歌, 但只限某d字, 都好叻架啦~ haha……

8. 識由1數到10

9. 每次媽咪問劉老師B仔係學校點?! 劉老師總會話B仔係活躍分子

10. 呢幾日拎住D公仔同佢地傾計, 又話BB要瞓覺, 又話 “wow狗”一齊睇書, Bear Bear唔好瞓地下, 地下好烏糟…… 真搞笑, 但另一方面又覺得B仔無人同佢玩好悶~

11. 一日到黑都嗌媽咪, 但問佢咩事?! 佢就只係一直笑笑口嗌媽咪, haha… (咁似B仔媽成日無所事事就叫B仔爸既~~ )

12. B仔媽叫B仔鍚媽咪, 媽咪會好開心, B仔就係咁鍚, B仔媽就卡卡笑, B仔就好開心~

13. B仔媽嬲嬲B仔會話 “媽咪嬲嬲, 要媽咪開心” (B仔, 你乖媽咪唔嬲咪會笑囉)

14. B仔媽話B仔時識扁咀, B仔扁咀個樣好好笑, 好得意呀!!!!!!!!!! (影唔切相)

15. 近排B仔講嘢好鍾意係至尾加個 “呀”

16. 近期食飯時鍾意餵魚, 自己就唔食飯…… 婆婆缸魚遲早俾B仔餵到飽C, 一係就俾B仔嚇C (無啦啦一嘢拍去個魚缸, 嚇到D魚四圍彈)

17. 好鍾意柏滔, 成日間唔使就話同柏滔玩…

18. 出街前總會無聲無息地放佢心愛的THOMAS去B仔媽個袋度~

坐火車

13.3.2010

Oh my god~~~~~~~~~ 尋晚又黎料……………… 2點喪喊, 3點零喪喊, 跟住話要出廳, 出到廳又話要睇電視, B仔爸陪坐一陣佢頂唔順就返房瞓, 一睇就成4點, B仔媽提議B仔睇thomas, 但睇完要瞓覺, B仔話好… 一睇, 都接近四點半…… =.=”””””

好彩睇完Thomas, B仔就極速瞓咗, 一瞓就瞓到9點半至嘈食奶…… 真係…… 又一個Crazy night呀!!! 係婆婆家唔會咁, 點解返到黎屋企會咁架?!?!?!

今日天氣唔多好, 沒意慾去郊遊, 於是一家三口棄 “渣” 車, 坐火車(東鐵)去沙田行街, B仔真係好鍾意火車呢~~ 佢少搭所以就同佢去搭下~ HAHA…… 閒逛咗一陣就返屋企買餸~

見B仔有一兩聲咳, 沖咗杯橙汁(化痰橙汁)俾佢飲, 係咁話… “um…好好味”, B仔真係搞笑呢~~~

土風舞晚會

12.3.2010

今晚7點半學校搞咗個土風舞晚會, 本來6點半就有個營養餸菜比賽, 但B仔媽放工趕唔切, 所以都係無參加, 只參加土風舞晚會

放工返到婆婆家極速開飯, 跟住B仔媽就湊B仔去返學, 去到已坐滿人, 好熱鬧!

坐係後排既B仔見拍手掌佢又一齊拍, 仲好落力咁拍添呀, HAHA……

又八卦行前去裝下老師講嘢……

跳舞時間, 李主任拖住B仔跳舞……

之後有個姐姐拖住B仔跳, B仔係紥紥跳個隻跳呀~ HAHA……

跟住就同B仔爸跳報紙舞, 要係報紙上跳, HAHA……

B仔成晚就拖住呢個同學位四圍跑, HAHA…… 怕且全班至活躍係佢兩個呀! (同學仔媽媽都好認同呀! WAKAKAKAKA……)

與堂表弟仔玩

7.3.2010

就黎crazy啦~~~ 尋晚又係半夜喊幾云, 又係乜都唔要/唔係………… 咁多惡夢發架咩?!?! B仔媽頭都暈埋呀!!!

今日B仔爸返工, 公公婆婆去完街就順便過黎車B仔母子返婆婆家, 婆婆今日要幫叔婆湊孫呢~~ 一上車B仔見到堂表弟仔就笑晒口咁, 之但係堂表弟仔完全唔SO B仔, 一副吽樣……

返到婆婆家, 兩個小朋友就係廳度玩玩具, 婆婆又煮烏冬俾佢地食, 婆婆餵完堂表弟就接住餵B仔, 情境真係好好笑, 婆婆一頭煙呢~~ HAHA………….. (B仔媽做旁觀者) 一人湊住兩個咁細真係會人都癲呀! HAHA…………..

兩個小朋友坐係sofa食蛋糕仔……

有小朋友陪玩, B仔好開心呢~

堂表弟仔見B仔瞓地瞓得咁HAPPY, 佢又跟B仔瞓係地碌黎碌去

傍晚時份, 堂舅母就接返堂表弟仔, B仔媽都要出旺角飲!

"行"單車

6.3.2010

尋晚B仔唔知做乜, 一晚喊咗幾云,合埋眼喪喊, 問佢咩都唔要/唔係, 喪喊起碼半粒鐘, 唔通發惡夢? B仔媽一瞓冧咗佢就又黎料, 成晚好似無瞓過覺咁, 人都癲呀!!!

今朝晨咁早7點就話要食奶, 之後唔再瞓返~ B仔爸陪B仔, B仔媽就唔理, 要眠下, 否則好快滅亡… 瞓咗個幾鐘就瞓醒, 同B仔沖涼, 佢瞓到一身臭汗味呢~~

食過早餐, 我地就去咗大埔海濱公園踩單車, B仔明明腳已經夠長, 但都唔肯踩, 係都用腳”行”單車, 教到B仔爸扯火 (唓… B仔爸淨係識話我無耐性, 佢自己又咪係咁) =.=”””

B仔幻想力都唔錯, 話條坑渠係火車路軌……

玩咗成粒鐘, B仔爸就去攞車, B仔母子就繼續玩千秋, HAHA……

之後tea time, 買餸, 然後就返屋企~

2010年3月3日星期三

攝太歲 + 第一次髮型屋剪髮

28.2.2010

今朝食過早餐後, 一家三口就出發去圓玄學院攝太歲, 嘩... 上山條車龍長到呢...... 於是泊咗係入圓玄學院個路口既停車場, 一家三口行路上去圓玄學院! 行咗大約15~20分鐘, 真係唔係講笑... 行到扯蝦呀!

係路邊鋪仔度買攝太歲既衣紙同埋生果, 個姨姨仲詳細教我地點做, 第一次去攝, 真係唔識, 以前有婆婆幫B仔媽搞架麻~~

去到太歲廟, 嘩.......... 人多到呢........................ 出面又多, 入面更加多! B仔又係咁嘈要落地, 又迫人, 連袋橙都俾人迫到爛埋, 唔見咗兩個橙! 結果B仔爸做代表搞掂晒D儀式, 之後就去咗拜B仔爸既伯父!

之後返屯門, 帶咗B仔去剪髮, 事前係咁同B仔講去剪髮, B仔就回應: 唔剪, 唔去剪髮! 去到髮型屋, B仔爸剪先, 叫B仔望下B仔爸剪髮, B仔媽又不停同B仔講: 剪完髮會好靚仔架!!! B仔爸剪髮期間, B仔就係髮型屋四圍行, 又去睇姨姨隻大烏龜(真係好好好大隻呀!), 又摸下姨姨隻狗(B仔係咁叫佢Pizza =.=""")

輪到B仔剪啦..... 一坐上凳郁都唔郁...