Boxing Day @ 遊戲展+BBQ

26.12.2009

 

今日一家三口去咗遊戲展, 因為B仔爸又係打機迷一名, 點會錯過丫~ 仲要抬咗部PS3返屋企呀!!!

 

好彩遊戲展人又唔算好多, B仔媽仲同B仔玩咗個馬騮遊戲, 一齊同隻馬騮沖涼, 捽泡泡, 吹毛, HAHA... B仔好開心呢~

 

而B仔爸就同個仔玩咗一個game, 係咁搖個手制等隻雀向上飛, B仔又係玩得好開心~

 

 

兩父子連打機個表情都一樣呀!!!! =.="""

 

 

行完遊戲展去咗冬日購物嘉年華, 有免費飛麻~ haha... 入到去, 人多到呢~ 買咗件唐裝衫俾B仔就走人, 美食個層都無行, 淨係見到on the way to美食個層既人海至怕怕!

 

跟住帶咗B仔去坐渡海小輪, 佢好開心呢~~

 

去到尖沙咀食D嘢就返屋企, 勁攰呀! 散晒呀!!!! 返到屋企抖抖就出發去同B仔爸同事BBQ, 簡值攞命呀! 但B仔超級開心, 係咁跟住D哥哥姐姐跑呀~ 叫呀~ 興奮到唔肯返屋企呀! 之但係返到屋企... 唔肯沖涼... 喪喊... 起碼喊咗半粒鐘至瞓着! =.=""""""

 

 

是日Boxing Day都未有時間拆禮物添~~~