20.6.2009
今朝要返工, 下晝放工返屋企回合婆婆去飲茶~ thank you婆婆湊B仔返屋企呢~
天氣確實熱到呢~~~ 攞命呀!!! 真係坐係屋企都會中暑呀!!! 三點幾買完餸返屋企, 咋咋臨同B仔沖涼午睡, B仔媽就整餸煲湯!
點知......................... 接近五點, B仔爸打黎問買咗咩餸?! B仔媽聽到都已經心裡有數...... 又一次令B仔媽扯晒火, 心情急轉直下......
B仔爸三哥同嫲嫲打黎叫今晚食飯慶父親節 =.="""""" 大哥大嬸, 你唔早D約, 呢一刻至知父親節呀?! 做節食飯又係咁! 生日飯又係咁! 想點呀?! B仔一家坐係屋企等你地餐飯開架咩?! B仔一家唔需要有節目, 呆坐家中等你地約呀?! 十次有十次都係咁, 乜唔可以早d約定架咩?! 獲獲都咁即慶, 好難受遮~
正當B仔媽同契媽傾計時下咗啖氣之濟, B仔爸三哥又打黎, 話記錯日子, 改明晚食 =.=""""""""" 你地玩晒啦~ B仔爸忘記咗明晚要同公公食, 仲應承佢哥 =.=""""""""""" B仔媽成個禮拜前已通知B仔爸, 又係無記性, 唔記得! 轉個頭嫲嫲就打黎話改聽晚, B仔爸至話唔得......
都唔明豬流感大流行, 最老八十歲, 最細兩歲都未有, 出面人咁多, 仲出去食做乜?! 人多菌多, 又難搵位, 可免則免啦~
結果, 今晚都係係屋企煮飯食! HAHA......
等開飯既B仔...... (家陣一開餐就自己擒入張搖搖凳度坐)
是日晚餐有.........
冬瓜湯 (消暑湯水, 正~)
薑蔥蒸紅中 (好貴呀~ 呢條魚唔大條都43蚊呀! 好滑! 如果今晚唔煮留返第二日煮就真係晒晒呀~ )
蕃茄炒蛋 (正!)
清炒油麥菜 (呢輪好似無乜菜好食, 今次D油麥菜有D苦添)
蒸蠔士 (麻麻地~)
你老公既屋企~~同我老公既屋企一樣呀~~
回覆刪除成日都係以為我地等佢地約咁~
我次次都會鬧我老公~~
我會話佢" 唔該同你屋企人講~可唔可以搵次早D 約呢~唔係佢地約我地一定得閒~"
仲有好似得佢地要慶祝咁~~我都要同我DADDY 慶祝嫁~~
[版主回覆06/23/2009 14:51:00]咪就係囉~~ 真係好鬼煩~ 搞到人地好鬼慶添呀~
早幾日講定等人有個預算麻~
我最怕這種人，我都好怕別人打亂我個schedule的，唉! 不過又無得話佢哋，話親又係搵交嗌。
回覆刪除[版主回覆06/24/2009 22:43:00]咪就係囉~ 超影响人既心情!
我老公家人又是一樣,永遠唔到最後一時刻先通知ar;唔係永遠坐起到等你們約ar,我們自己都有節目,對ar 好認同
回覆刪除[版主回覆06/25/2009 22:57:00]乜原來你都有咁既情況呀?!
唉... 我6299佢地都係架~~~唔到最後一刻,. 都唔話俾我地知去飲/ 去邊樹吃飯慶祝/ 邊個舊曆生日飯架~(佢又要慶舊曆喎)
回覆刪除[版主回覆06/27/2009 18:06:00]HAHA... 乜原來你又係咁~
D人就係咁衰，大安旨意咁~
回覆刪除[版主回覆06/27/2009 18:07:00]咪就係~
正野. i like... 係好like.蕃茄炒蛋!!!!
回覆刪除[版主回覆07/02/2009 21:56:00]餸飯一流呀~ HAHA...