第四次剪髮

30.5.2009

今日又係無所事事, 一家三口瞓到成11點, 正呀~ haha...... B仔都好叻, 無乜幾可同B仔媽一齊瞓到11點呀! 9點幾爬咗起身, 可能見B仔爸媽唔理佢, 於是繼續一齊瞓, HAHA......

瞓醒食飽無地方去, 於是近近地去咗香薰園跑下~ (當然係B仔跑only) 真係又熱又曬呀! 俾把遮B仔自己擔住擋太陽~ 

點知...................... 就係呢個張相既跟住個一刻, B仔轉個身, 企唔穩, 扒咗係把遮上面, 而B仔媽新買返黎, 第一次用呢把遮既遮柄, 就咁就90度角拗咗!!!!!!!!!! 變咗影樓遮咁!!!!!!!!!!!!

跟住俾B仔爸嘗試拗返直, 睇下有無得救?! 唉..... B仔媽把遮就咁就壯烈犠牲咗!

B仔爸整遮時, B仔就當然無事發生過, 仲笑騎騎, 搞搞震~

太太太熱同曬既關係, 逗留咗一陣就返屋企! 走之前, 又去睇下d黑羊, d羊不停係咁"咩~~ 咩~~"咁叫(勁似小朋友叫聲), B仔媽又係度扮羊"咩~~ 咩~~"咁叫, B仔見"咩~~"得咁過癮, 佢又"咩~~ 咩~~"咁叫, 嘩....... B仔既"咩~~"聲同d羊既"咩~~"聲係無乜分別架! 非常搞笑!

返屋企前就去買餸, 然後係屋企同B仔剪頭髮~ 今次係第四次剪髮呢~ 要出動B仔至愛睇個套小小愛因斯坦令佢坐定定俾B仔爸剪呢~

剪髮後既B仔, 成隻馬騮仔咁! 又變咗牛精仔啦~~~

晚飯過後又係親子時間, B仔拎咗個牙膏盒黎玩~

跟住就....................... HAHA.............. 邊望邊笑到卡卡聲~

是日晚餐有............

豆卜雞軟骨雞肉炒蜜糖豆

火腿炒蛋 (正正正~)

蒸魚云 (正正正正正~~ 好耐無食大魚頭啦! 以前最肥美最滑無骨個d係B仔媽既至愛, 家陣要割愛俾晒B仔食啦~ 要輪落"輪"骨既地步啦)

--------------------------------------------------------------------------------

B仔媽最近又同B仔玩攝影比賽呀! 唔該幫幫手投B仔幾票丫! 每日最多投5票架~~ 感激感激!!!

http://www.baby-kingdom.com/customer/gsk/minisite/child_enlarge.php?pid=329