張B仔21個月大啦~

10.6.2009

張B仔21個月大啦~~

1. 大約23磅, 85CM高


2. 開始叫做講多咗嘢~ 不過都係BB話為主! 依家新識講既嘢有: 飲! 飲! (想飲嘢時就係咁飲!飲!飲!), 公公, 婆婆, 父父(即係舅父, 但係好間唔中至會叫), 姨姨, A, B, BeBu (見到警車消防車就BeBu), 菜菜 (即佢想食個碟餸), 片片(即尿片), 橙, 巴士, 的士(但講唔正), 麵麵, 湯湯, bear bear, 水水, 單車


3. 鍾意砌積木


4. 暫時叫執玩具, 都願意執 (當然要B仔媽一齊執)


5. 好搞笑, 食飯想食邊樣餸, 就指住菜菜, 但唔係佢想要食個樣就係咁擰頭叫: 唔!要唔要!


6. B仔媽每日放工都必會打電俾B仔, B仔又係睇心情啦~ 鍾意咪同你講/聽你係咁講, 唔鍾意會叫: 唔聽! 唔聽! 跟住就走咗去~


7. 叫B仔唱歌, 依家會唱AB跟住就幾粒BB話, HAHA... 好搞笑呢~ (最近B仔媽成日對住佢唱ABC)


8. 沖涼叫除衫除褲, B仔就會自動波除, 除衫當然要B仔媽協助啦~ 除褲就可以自己除, 片片係自己除! 之但係有時一除片就放水 =.="""""


9. 仲未識得叫去toilet, 仍然拉咗屎唔出聲 =.="""""


10. 係大床上落自如, 瞓醒自己拖條毛巾出廳攤係梳化婆婆都唔知呢~ haha.....


11. 返playgroup喊到拆天, 都唔明解, 有得玩都係度喊!


12. 好慷慨, 係公園食包包, 見到小朋友, 佢竟然成個包俾人食, 人家請佢食嘢佢又老實不客氣喎~ =.="""""


13. 依家叫B仔咀/鍚媽咪, 佢會嘟長個咀仔鍚架~ haha... 好搞笑~ 好得意~ B仔媽避開叫佢鍚面, 但佢係都要鍚到你個咀為止, haha.....


14. 依然見到四隻腳掂地既動物稱之為"馬" (除咗狗同貓之外)


15. 驚pizza (因為pizza對住b仔都幾惡, 梗係啦臨老至因為佢而"坐監")


16. 成日指住Thomas 隻眼講: 眼~


17. 唔知點解, 成日無啦啦瞓係地下~


18. 勁鐘意大叫~ 都幾嘈下~


19. 叫B仔yeah! 佢就會伸手拍你隻手, 兼叫"yeah"