禮拜日, 無節目, 趁住B仔午睡, B仔媽手痕兼想用埋上次整芝士蛋糕淨落既藍梅, 於是焗咗幾個藍梅鬆餅俾B仔同B仔爸做下午茶點! Haha......................
焗製中................. 聞到香噴噴.......................
出爐啦~~ 一出爐俾B仔爸食咗一個............... 佢話好好味呀! Haha............
結果B仔爸一口氣食咗三個半, B仔食咗大半個! 不過確實好香呢~~
2008年11月24日 星期一
無節目星期天
23.11.2008
尋晚B仔成晚係咁"褲"被, 搞到B仔媽成晚瞓下醒下, 驚凍親B仔, 好似成晚無瞓咁 =.="""
晨早5點幾食咗支奶, 9點幾就瞓醒, B仔媽就無得繼續瞓囉~~ 又係度搞搞震, 爬去窗台禁部hi-5, 遲早俾佢禁壞 =.="""
又去搞隻玩具狗仔! B仔好鍾意呢隻狗仔, 應該因為佢曉郁掛!
B仔媽拎咗米奇走馬燈個蓋笠係B仔個頭度當帽戴......
當然無咁順撻啦, 2秒後就想除咗佢囉～～
跟住人仔細細學人打機添呀~~ 嘟到個咀仔長到呢~~ HEHE................
瞓醒就整粥俾B仔做早餐, 食飽飽就落樓下M記食嘢, 好耐無食M記包包啦! 口痕突然好想食, haha.....
食飽飽就返屋企lu~~ 又黎搞搞震, 拎住d搖控對住部電視係咁禁禁禁..........
見人飲汽水佢又要飲, 但無飲管, 飲唔到, haha.....................
臨返婆婆度前落咗樓下公園玩咗一陣, d大細路真係呢, 亂衝亂撞, 都唔睇人既, 見到d肥皂泡泡波就發晒狂咁 =.="""" B仔媽真係怕咗佢地, 唯有抱住B仔係度望泡泡波!
玩咗一陣就出發返婆婆度lu~~ 返婆婆度前, B仔媽帶咗B仔去睇涼粉BB呀~~~ 涼粉屋企實在太多誘惑, B仔完全唔理B仔媽, 完全唔呷醋, 話之B仔媽抱住涼粉呀! 仲老實不客氣係涼粉屋企四圍行黎行去添呀! (B仔第一次去架咋), 坐咗一陣就返婆婆度lu~~
家有一隻羊咩咩
22.11.2008
尋晚B仔媽忙到呢~~~ 又吸塵, 又拖地, 又抺地墊, 又抺玩具, 又洗衫, 又晾衫, 搞掂晒攰到呢~~~
今朝瞓醒(查實都未瞓醒), B仔爸放工返黎一齊約婆婆飲茶, 飲完茶, B仔係商場行黎行去不知幾咁興奮呢~~ 跟住我地又去咗玩具反斗城運吉!
呢隻特價咗都要1599蚊既狗仔, B仔好鍾意, 行埋佢仲攬住佢添~~ 婆婆就驚峻僑塞隻手仔入狗仔口, haha.......
玩具狗仔係度吠, B仔就係咁望住佢, 好搞笑!
去玩下其他嘢先~~ B仔好搞笑, 要坐係凳仔度至玩, 但張凳太輕, 佢又郁黎郁去, 係玩玩下會冼咗落黎, 跟住又搵返張凳黎坐呢~~
玩咗一陣, 停車場就夠鐘既關係, 我地就返屋企LU~~
到夜晚白白豬完, 試下晴晴媽咪送俾B仔既羊咩咩衫仔先! 好搞笑呀~~ 謝謝晴晴媽咪!
B仔媽要用一雙肉腿欄住失控既羊咩咩至掂呀~~
有無見過睇電視睇到金睛火眼既羊咩咩呀?!?!
嘩.......... B仔越黎越頑皮啦~~ 坐係張凳度無啦啦自己企咗係度呀 =.="""""
玩到標汗, 都係時候更衣, 玩私家波波池~~
又一曳人罪証: 波波屋都可以玩都變咗甘?!?!
2008年11月19日 星期三
2008年11月18日 星期二
好窩心呀~~
11月16日既晚上, 有史以黎第一次對住屋企人發惡, 因為某人某事, B仔媽確實忍唔住啦~~ 大發雷霆呀!!! 當然鬧人之前要安置好B仔先, 以免嚇親個仔啦~~ (B仔爸代為照顧住先)
大發雷霆過後, 咪大家知道發生咩事, 都唔明點解下下都要黑晒面, 好似成村人得罪咗佢咁, 又唔問又唔講, 一味認為自己諗既是絕對的, 人地就一定係唔啱唔着, 唔明點解唔可以平心靜氣去了解下件事, 唔知點解乜都關媽咪事......
B仔媽發完癲就睇下個仔先啦! 好彩隔住個門應該都聽唔清楚(B仔爸都唔知發生乜事亦聽唔到乜濟), 入到房, B仔見到B仔媽好似傻咗咁, 係床度爬黎爬去, 邊爬邊笑到卡卡聲, 好似知道B仔媽唔開心咁, 係度扮小丑"乙水"媽媽笑咁......
個一刻, 真係好窩心呀! 連B仔爸都覺得個仔係度"乙水"緊B仔媽開心呢~~
無諗過B仔咁細, 會feel到媽媽唔開心, 會識得"乙水"返媽媽, 窩心之餘亦覺好奇妙呢! 唔通呢d就係母子既心靈相通?!
媽媽見到自己個寶貝仔咁得人歡心, 仲邊會唔開心, 笑都笑唔切啦!
2008年11月16日 星期日
濕地公園半日遊
16.11.2008
尋日B仔媽留咗係婆婆度陪B仔, 睇下個傷口都幾肉痛呀! 唉........ 希望快d好返啦! 尋日仲要撞親, 撞到個額頭一大撻瘀晒 =.="""
今朝B仔爸放工過咗黎同埋公公、婆婆、太婆、檬姨婆同埋大B姨婆去飲茶, 飲完茶同咗公公婆婆去咗濕地公園行下!
入到去就有幾個摺紙擺設, 都摺得幾有神似!
有無見過咁可愛嘅鱷魚仔呢~~ haha...............
跟住行咗幾個展館, 都幾好! 呢個係其中一個!
由館內望出去嘅濕地公園, 都幾靚呀!!!
繼續行其他展館....... B仔繼續搞搞震
自己個個禁禁下又唔禁, 走去隔離人地玩緊個部度禁 =.="""
行完室內嘅展館, B仔嘆返支奶先!
食飽飽我地就向室外出發, 雖然都幾晒下, 但個度都幾靚! 好彩都有d風! 回程途中B仔已熟睡中.................
B仔媽: 做乜咁攰呀?!
B仔: 媽媽, 我頭先去耕完田呀! 我眠一眠先啦~~
濕地公園晒就晒d, 但都幾值得一家大細去行下, 認識一下大自然, 等B仔讀書時再帶佢去至得, 家陣太細, 都唔識睇, 同埋又唔肯俾大人企定定睇下d介紹!
B仔受傷了
14.11.2008
原來係Happy Friday, 但Lunch時收到婆婆電話, 話尋晚Pizza又爪到B仔, 唉.................
今云仲要爪到眼眉位, 差D就爪到眼睛, 唉..................... 勁擔心! 唔知傷勢如何!
唔敢同B仔爸講, 唔知佢會有何反應......
Pizza就俾人大大大懲罰, 要"坐監"
唉.......... 婆婆問有無人要Pizza, 之但係養咗咁多年, 真係話唔要就唔要咩, 等事件掉淡咗就無事!
Pizza都好慘, 個主人就過咗去澳洲讀書, 得婆婆照顧Pizza, 家陣婆婆又要照顧B仔, Pizza可以話係被忽略的一個, 所以佢都好慘下~~ 唉......
之但係又擔心再黎鋪杰撻撻就真係返唔到轉頭! 希望以後都唔會再有d咁嘅事發生!
對大家都好嘅唯一方法就係將Pizza送去佢主人(B仔媽細妹)度, 之但係澳洲咁遠, 又唔知幾錢, 又唔知點搞, 又唔知去到個邊要坐幾耐監, 又唔知佢適唔適應到個監期...... 唉.......
總之就煩煩煩啦!
1411 媽媽聚會之烚烚烚
14.11.2008
今晚期待已久嘅媽媽聚會終於等到~~ 等到頸都長埋! haha......
我地成班媽媽撇甩老公同仔/女, 一行11人去咗尖沙咀稻香烚烚烚, 邊烚邊傾計, 真係開心呀!
睇黎我地要定期搞下媽媽聚會至得呀!
話時話, 曉妤媽、Rosanna & 泳宜媽, 我識得個媽媽佢個仔同你地個女同一日出世架, 遲d有gathering等我叫埋佢出黎介紹你地識!
hehe....... 唔知我地個x'mas gathering籌備成點!
張B仔14個月大啦~~
10.11.2008
張B仔14個月大啦~~ 大個咗好多呀!
成日講BB話, 唔知佢講乜?!
行得尚算穩陣, 仲學人走添呀! 之但係呢輪唔多願行, 出街行幾步就要人抱!
成日唔係呢度瘀就個度瘀!
最近終於成日講媽媽啦~~ hehe...........
間房黑無開燈B仔會講黑忟忟, haha...... 好搞笑!
成日"kit"相簿睇自己個bb樣, 問B仔邊個係媽媽、爸爸、婆婆、公公、舅父仔識得指
叫B仔去沖涼識得自己"le le 林林"走去廁所, 所以要準備好晒d嘢至可以叫B仔去沖涼
電視機d人係度拍手B仔又跟住拍手
聽到快音樂/叫B仔跳舞佢就手fing fing, 邊fing邊un邊笑, haha... 好搞笑
最近識得擰頭, 當然唔係say no la, 係無啦啦自己係度玩
瞓覺成日扯鼻鼾, 唔知需唔需要帶B仔去睇下醫生
最最最鍾意玩車車, 去街一見到車、輕鐵、巴士就會超開心, 有時仲會"wo wo"聲扮車聲咁, 好搞笑
係屋企問B仔邊度有巴士, 佢就會走去細房窗邊望樓下有無巴士
一係婆婆度就成日發爛咋, 知公公婆婆鍚佢就蝦佢地, 返媽媽度好少發脾四架!
發親脾四就爬係地係咁撞頭埋地, 再咁撞法就快變傻仔架啦!
拎住電話/類似電話嘅嘢就扮聽電話, "ke le 古 lu" 唔知講乜, 但係媽媽每日放工打俾B仔同佢傾計就粒聲都唔出 =.="""""
一日到黑又開又閉d櫃桶
問B仔ABC係邊, 佢就會走去指住門口張ABC
最最最窩心係, 媽媽唔開心, B仔好似知道咁, 會係媽媽面前爬黎爬去, 笑到卡卡聲傻咗咁氹媽媽, 真係好好好好好...... 窩心呀!
2008年11月13日 星期四
大標血呀 >.<
13.11.2008
話說星期一時去咗Venture影相, 今日放工去睇相, 開始時好似係度睇緊電影咁, 大投射, 續張續張播片咁播俾我地睇, 邊睇邊心諗, 個攝影姐姐影d相唔多掂, 唔係咁捕捉到B仔d表情, 覺得影得算係好既就真係十隻手指數得晒, 而能令我地真真正正想揀既就真係得5,6張!
話就話得5張鍾意, 之但係個度d product咁貴, 送就只送得一張, 其餘4張都好想要埋佢, 之但係, 至細個個5" x 7" 相架都千六蚊, 要埋個幾張就真係唔止標血, 噴血都似!!!
我地揀黎揀去, 最後都揀多兩張, 因為實在太難決擇啦!!! 結果, 用咗三千大元買多兩個細相架! 查實都好肉痛架! 但真係鍾意呢兩張, 人一世物一世, 豁出去啦! 要差不多2個月至有得拎, 因為佢地send去英國造!
所以B仔媽又要努力賺下錢至得!!! 希望賺到返黎啦!!! 六合彩又唔見我有份中!!!
離開咗Studio之後, B仔爸同B仔媽都不約而同話"好彩個攝影師姐姐影得差咋", Haha......................
Venture影相日
10.11.2008
今日B仔14個月大啦~~ 早兩個禮拜約咗去Venture影相, 因為係上次一田嬴咗既其中一份獎品, 私人攝影一個鐘, 送一個10" x 8" 既相架, 雖然之前都想去呢間影相, 因為見d相做出黎效果幾特別, 但無奈真係超貴, 唔同一般BB攝影公司, 無得買相底, 係要買個product, 之但係........ 至平個個相架都千六蚊, 至貴可以去到三萬幾, 實在捨不得呢~~ 難得今次送一張10" x 8", 無理由唔去架~~
不過今次要影兩個鐘, 因為要影埋遲d係一田post出黎個d相! 之但係一田個邊早個幾禮拜前打黎話B仔d相會係12月登出黎, 個theme係x'mas, 叫我自備聖誕裝束同物品去影相, B仔媽撻咗係度, 家陣去邊樹搵x'mas嘢呀?! (當時仲係賣緊helloween) 結果, B仔媽咪要同B仔搵d裝備去影相囉!
今日B仔第一次搭地鐵, 第一次過香港個邊呢~~ (我地去中環影相)
時間剛剛好, 無遲又無早, 去到飲埋支奶就"開工", 係咁影影影, 影咗一個鐘多d, 莫講話B仔攰, B仔媽都好攰, B仔都無乜心機影相lu~~ 好不容易攝影師姐姐終於話影夠! haha......
影相影到4點幾至走人, 約咗星期四至有得睇相! 我地之後去咗蘭芳園(舊鋪)食tea, B仔爸話個度d熱奶茶正, 我見好多人叫咖央西多, 咪叫黎試下, 但唔覺好好味, 反而B仔爸個鮮茄豬扒通粉仲正, 叫咗杯咸檸七就好正! 食完嘢就返婆婆度lu~~
去食嘢途中路過石板街, 話時話B仔媽都無去過呀! 於是大鄉李B仔媽就同鄉下B仔一齊响呢樹留影, Hehe..............
Shopping Sunday
9.11.2008
B仔爸一早要返工, B仔尋晚唔知做乜, 瞓瞓下瞓到3點左右喪喊, 抱佢叫佢都唔肯收聲, 唔知做乜, 唔通發惡夢?! 最後開咗支奶食飽就瞓! 晨早八點幾就醒, 跟住爬去大床尾望窗.........
一望到車車就眼睛發亮! 指住d車車依依哦哦!
無所事事, 同B仔去沙田閒逛, 睇下買唔買到嘢俾B仔明天去影相用!
我地又去咗玩具反斗城買玩具, 買咗塊磁板同埋車車俾B仔, Haha.............
跟住係一田買咗件型仔外套俾B仔, 仲有買咗部發聲玩具車仔, 婆婆個度個部俾B仔玩爛咗lu~~ 購物完就返去買餸煲粥仔!
是日靚粥 -- 南瓜蛋黃肉碎粥, 正呀!!!
再加條薑葱蒸桂花魚
Haha... B仔食到幾開心!
食食下掛住睇電視, B仔媽阻住佢, 佢就側晒身黎望 = ="""
2008年11月10日 星期一
爺爺牛一飯聚
8.11.2008
今朝B仔爸有事要辦, 所以得B仔媽同B仔玩, B仔瞓醒又通屋行! 家陣好搞笑呀~~ 一問B仔, 邊度有巴士呀?! 佢就會走入細房個窗邊望落下有無巴士! Haha... 好得意呢!
B仔爸買咗部搖控車俾B仔玩, 又係咁轉車轆! 但當B仔發現禁個搖控部車會郁時, 好快就識自己禁!
煲咗菜心瘦肉粥! 今日試下俾B仔自己拎匙羹自己食, 當然佢仲未控制到, 但都肯去試.......
一"畢"起時個咀識得挈大口配合!
食飽飽, 心思思想去沙田行街, 但又懶懶地, 正想出門口買餸, 點知.......... B仔爸打返黎話嫲嫲打黎話爺爺生日今晚食飯............ =.=""""" 佢唔今晚至打黎話開飯?! 鑊鑊都係咁, 個個真係坐係屋企等佢開飯咩~~ 真係唔急屎唔開坑呀! 好討厭呀! 仲要連續三個禮拜都見, 更加討厭呀!!!!!!!!!
同B仔爸反映(急屎至黎開坑)問題, 佢就話佢屋企人不嬲都係咁, 佢唔覺有問題!!! 激C!!!
到夜晚, 我地去一去街巿買南瓜俾B仔第二日煲粥仔食, 點知係街巿門口都會撞到二伯娘一家同嫲嫲! 到買完嘢我地自己行去酒樓, 一落商場又撞到佢地, 有無搞錯呀! 係咪咁有"緣份"呀! 嫲嫲知我地買南瓜, 又問買咗咩南瓜, 又關佢事嘅?!?!?!
去到酒樓B仔爸坐係嫲嫲隔離, B仔就跟住坐B仔爸隔離, 但一抱佢坐BB凳時, 嘩... B仔登到兩條腿直一直, 係都唔肯坐, 隻眼就"骨"住嫲嫲個邊 =.=""" 好啦, 坐開一個位啦, 依然唔肯, 要坐開四個位至肯擺休呀!!! 嘩... 真係第一次咁黎反抗呀!!!
食完飯就返屋企！
訂閱：
意見 (Atom)