17日大嘅何B女 VS 6日大嘅張B仔
靚女 靚仔
失散咗嘅兄妹?!
Haha... 兩個寶寶都好可愛呀 ^^
2008年10月30日 星期四
2008年10月26日 星期日
Sunday又點?!
26.10.2008
今朝B仔爸放工, 諗住B仔食完粥粥就一家三口去飲茶, 跟住去屋企附近個消防局Open day, 點知...............................
一個電話, 無去飲茶, 一個超級大哈蜜瓜, 無去玩! 咩節目都無晒, 難得B仔爸呢輪唔忙, 難得Happy Sunday家庭樂, 難得可以同B仔去玩下, 結果就係去完嫲嫲度就返屋企, B仔媽同B仔無所事事, B仔爸就睇佢d馬馬! 睇黎黑面B仔媽實又會俾B仔爸訓話啦~~ 爭在幾時俾人訓!
B仔爸今朝至話見B仔係屋企自己不停咁行黎行去好似好悶咁, 仲話要帶佢去多d街, 講完都未夠半日, 邊度都無去過!
唉...... B仔鼻水收晒, 之但係下晝三四點開始有幾聲咳咳! 明天B仔媽攞咗假帶B仔去睇多一次陳醫生囉~~
尋日買咗支牙刷俾B仔, 今朝教佢刷牙, 當然仲未識啦~~
旁晚睡醒, B仔爸開咗個波波池俾B仔玩, 兩仔爺勁掟波波...
呢排勁流口水既B仔~~~
就係呢隻超級大哈蜜瓜, 搞到咩節目都無晒~~
趁個超級大哈蜜瓜未俾B仔爸劏開, B仔就係咁當哈蜜瓜係波咁碌! 但碌兩碌已失去興趣, 因為個瓜確實好重!
口水多到頂唔住, 要戴返條口水肩至掂~~ 出前面上下共8粒牙仔時都無今次出大牙流咁多口水, 果陣都唔洗戴口水肩呀!
B仔媽最近買咗益智遊戲返黎玩, B仔爸玩緊時, B仔又係度倒蛋, 唯有開另一盒俾佢玩, 一人玩一盒, Hehe.............
某幼稚園開放日
25.10.2008
今日本來下晝帶B仔去結識何B女, 點知早兩日B仔流鼻水, 所以約會取消! 要B仔200%好返晒至可以探靚B女啦~~
屋企附近有間幼稚園開放日, 約咗柏滔媽一齊去睇睇, 一入到去幼稚園, B仔已一支箭咁走咗去自由玩, 完全唔理B仔媽, 又唔俾B仔媽抱住, 又唔俾拖住, 格硬"的"佢入課室玩遊戲, 唔肯係度發爛咋~~ 相反柏滔就好乖!
B仔最鍾意走上去呢個遊戲設施度玩, 玩到流晒口水, 呢輪出大牙呀! 勁流口水!
係室內玩完就同B仔上咗天台玩, 嘩... 好多車車坐, 不過係要自家腳動至郁, 但B仔腳未夠長兼未識, 所以要B仔媽推至郁到!
坐完車就自己走咗去玩, 係個窿度 "目及" B仔媽呀~~
係入面行來行去好開心!
我地玩咗5個遊戲吸咗5個印, 但要有6個印至有獎品, 有個好好人既老師送多一個印俾B仔呢~~ 呢個老鼠碗就係B仔既禮物啦~~
總結, B仔應該係一名鍾意返學既小朋友 (鍾唔鍾意讀書就要到時至知) 仲要係一名不聽老師話既學生! 同埋應該係數一數二曳個個! 睇黎B仔返學後, B仔媽個電話實日日響不停, 老師係咁打黎投訴都似! Haha......
2008年10月20日 星期一
2008年10月19日 星期日
靠自己的第一個獎 - 天才搖滾之星大獎
19.10.2008
早幾個星期前同B仔參加咗一田舉辦嘅 "我們的YAYA主角招募" 活動, 上星期六面試, 星期一二都未有回覆以為落選咗, 點知星期三晚收到電話, 話入咗圍, 星期日就進行比賽, 分兩Part, 第一Part Fashion show, 第二Part Helloween造型比賽.
今朝11點要到達會場, B仔瞓到九點零就起身, 食粥, 沖涼, 執下出街用品, 搞到11點4至到達!
去到就換大會指定嘅衫, 換好衫B仔當然唔肯坐定定, 要四圍行...
B仔, 你個造型好搞笑下喎~~ 戴咗頂帽成條虫咁呀~~ 又似小偷咁~~ Haha......
B仔想搣甩人地朵花呀~~
等到12點幾終於開始彩排, 其實無乜特別, B仔係眾多參賽者最細個個, 行又未行得好好, 成日行去個Backdrop個熊貓度拍個熊貓, 一係爬黎爬去, 一係係度玩玩具同奶樽, 係咁拍奶樽落地, 一係掟完又執再掟, 自己笑到卡卡聲~~
彩排完就中場休息放食飯, B仔爸同B仔媽終於有啖好食啦~~ B仔又扭眼瞓, 但B仔媽又唔記拎埋奶咀出街, 俾支奶佢食諗住佢食食下會瞓, 但食完都仲係要搵奶咀, 搞到要買隻新奶咀, 去BB餐廳度洗乾淨再用熱水淥下佢, B仔啜咗唔夠2mins就瞓到豬的一樣~~
食飽飽就去玩具反斗城買helloween造型, 上次試時都話買南瓜look架啦, B仔爸又話唔好, 但今次揀無可揀, 咪試下囉, 試完B仔爸讚好, 又確實好得意啊~~
瞓到豬的一樣嘅南瓜小寶寶呀~~
兩點鐘集合, 但B仔唔洗化妝SET頭, 所以可以2點8至集合, 咁B仔就可以瞓耐d~~ 叉足電至去比賽~~
等到3點幾至開始比賽第一Part, B仔確實唔識驚架~~ 出到場仲要企唔穩碌咗係度呀! B仔媽要扶返佢起身呢~~ Hehe.... 跟住就四圍行, 又行去拍個熊貓, 跟住又四圍爬, 又拎奶樽黎拍, 又拎黎掟, 又自己係度自得其樂, 笑到卡卡聲呢! 莫可欣做嘉賓, 又扶起B仔行, Haha.... 到完咗呢part小朋友們就影張大合照, 莫可欣仲抱住B仔影相添呀~~ 影完相又四圍行, 之但係B仔媽抱B仔走時, B仔唔肯離開個台呀, 喪喊呀!!! 因為無得玩丫麻~~
跟住返返去換衫房準備Helloween造型, B仔着咗件南瓜衫好搞笑呀!!! 最衰相機係B仔爸度, 無影到相添~~ 係房到行黎行去, 同另一BB玩個輕氣球狗仔, 兩個BB笑到卡卡聲好開心!
不過中途發生咗小意外呀, B仔俾個大哥哥推跌咗落地呀, 大字型攤咗係度, 嚇C B仔媽呀~~ B仔喪喊, 勁擔心, 咁撻法知有無事, 又唔肯收聲, 人地父母就係咁講唔好意思, 有乜計, 唔撻都撻咗係度, 大家都唔想 =.=""" 之後問個姐姐俾塊餅餅B仔食至收聲咋~~ 好彩食完餅餅就無事, 繼續hehe haha咁玩, B仔媽至安心返少少咋~~
係後台等上台前, B仔又勁扭計, 要落地, 要行去後台上台個個門口, 要上台玩呀!!! 知道個門口可以上台呀!!! 唔俾佢去咪勁扭計囉 =.="" B仔媽見到YAYA公仔企咗係度, 咪抱B仔去同佢玩囉, B仔至肯收聲呀! B仔仲係咁捉YAYA隻手, 係咁拍人地個頭! 不知幾開心呀! =.=""""""
到第二Part開始, 一個個helloween小魔怪走晒上台, haha... 好得意呀~~ 成個台都係媽媽同小朋友, B仔又係台上面行來行去, haha... 佢仲要係後面行, 因為前面俾d大哥哥姐姐企晒, B仔只能係台角或台後面部份活動咋~~ 不過B仔媽都聽到好多人話B仔得意呀! hehe..........
等結果期間, YAYA公仔就同d小朋友係台上面跳舞, 我就抱咗B仔落台, 驚佢跌係度俾人踩到就大濟! B仔當然又唔肯落台, 係度扭計啦! 但B仔媽都諗住B仔應該無獎架啦~~ 仲諗住聽完結果就即閃去換衫走人, 因為B仔同B仔媽都好攰好攰啦~~
點知... 司儀姐姐宣佈 "天才搖滾之星大獎" 得獎者係........ 張峻僑小朋友! 台下嘅B仔媽呆咗一呆, 有無聽錯?! 會唔會第二個同名同姓小朋友?! 跟住司儀姐姐又叫多一次 "6號張峻僑小朋友" B仔媽至肯定咁上台攞獎, Haha.... 莫可欣頒獎俾B仔呢~~ 當然B仔係唔知發生咩事啦! Haha..........
頒完獎就留晒d參賽小朋友係台度係咁影相, 唉... 我地部相機B仔爸錄Video錄到頒獎後就無電啦~~ B仔媽前一晚唔記得叉電呀! =.=""" 之後就無影到相啦~~ 真係勁勁勁可惜呀!!! 大會同Mike雜誌就係咁影, 唉........ 跟住臨走前問咗Mike雜誌個姐姐, 問佢可唔可以send B仔d相俾我, 個姐姐就好好話無問題, 但要下個禮拜至得, 希望佢記得啦~~ 我記得Mike個攝影師幫我同B仔影咗張相架!
搞到成5點幾至走得! B仔都已經勁攰勁扭計架啦~~ 俾餅餅食至唔扭! 辛苦B仔爸啦, 一袋二袋搬返屋企! haha....... 雖然今日大家都勁辛苦, 但都值得!
呢個就係B仔靠自己嬴到嘅獎品啦~~ B仔返咗婆婆度, 無得一齊影返張相留念添! 下個禮拜補返至得!!!
盒thomas好大盒呀! 好正呀! 不過B仔有排都未識玩!
2008年10月15日 星期三
蒜香薯仔吞拿魚忌廉長通粉
今日食lunch時路過大百佳, 走咗入去逛咗一轉, 買咗3個西蘭花仔, 一罐罐頭忌廉湯做是日晚餐~~
蒜香薯仔吞拿魚通粉~~ (查實一罐忌廉湯可以for 4人食都得)
仲有白焯西蘭花+蒜蓉包(現成買架~~)
仲有飯後甜品~~ 芒果布甸(又係現成買~~)
嘩...... 尋晚打邊爐又飽到嘔, 今晚又飽到嘔! 成日仲話減肥, 成日話食埋呢餐先減, 之但係都仲係咁食食食, 想瘦都難囉~~
2008年10月13日 星期一
超為食B仔
12.10.2008
今朝煲咗菜心瘦肉粥俾B仔食~~
食飽飽到B仔媽抖抖, 嘆返支嘢飲, 點知俾B仔發現咗就不得了啦~~
細nur唔得, 就黎個大nur~~
B仔媽怕咗B仔, 俾佢嗒一啖咁多, 啖得幾滋味...
之但係, 嗒完無幾耐又黎nur過~~~~~~~~~
B仔媽都未遞到埋去, B仔已伸出雙手.................搶............... 攬住唔放...................
嗒完又開心晒~~~ B仔媽都係咋咋臨飲晒支嘢, 大家都安樂! Haha......
飲完嘢去騎下牛牛先~~ 終於夠腳長自己un, 仲要un到非常開心呢~~
話說尋晚B仔媽焗香蕉鬆餅俾B仔食, 點知俾B仔發現枱面有鬆餅, 已食飽飯嘅B仔仲要嘈食, 咁B仔媽咪抱住佢坐係餐椅度餵佢食, 食咗一半收埋另一半同B仔講: 無啦, 食晒啦! 點知......................... B仔個咀邊o趙, 手指就指住枱面個幾個鬆餅! B仔媽暈囉~~~~~~ 結果係要搵嘢住其他鬆餅, 直至食埋個半個至肯罷休!
2008年10月12日 星期日
第一次攝影面試
11.10.2008
今日去咗沙田行街同埋B仔去interview... 由於時間未到, 一家三口去咗宜家"運吉", B仔勁開心呢~~ 好似大解放咁, 自己係sofa區四圍行, 又試坐sofa!
仲試埋床~~ 瞓係度勁開心, 係咁踢腳, 仲唔捨得走添呀~~
之後去咗玩具反斗城"運吉"
着完件衫自己走咗去呀~~~~~~~~
去interview之前, 醫飽B仔個肚先~~ 去咗一田個BB餐廳度食BB餐, 叫咗個菠菜白飯魚粥餐...
等咗一陣, 終於有得食.................
之但係................. 好睇唔好食, 超為食既B仔食到那口那面, 好似好難受咁........................
食到呆呆濟濟, 還是唔好食啦~~ 結果個餐食咗一半就無要!
話說早一星期時, 收到一田Yaya club宣傳單張, 見有攝影比賽參加, 咪幫B仔報名, 星期四下晝B仔媽收到個電話, 話sat(即今日)有interview, 3點半去interview, 話如果入圍就會參加一個helloween catwalk show, B仔媽第一個反應係: 下, 係咪要識行至得架, 我個仔啱啱至叫做識行咋喎~~ 個姐姐就話: 哦... 咁又唔洗, 好多bb都未識行! 跟住B仔媽又問: 咁interview要in d乜架?! 個姐姐就話: 都係影幾張相遮~~ 睇下bb多唔多表情!
就係咁, 影相前同B仔去咗視察環境, 都好多BB排隊即場報名影相呢~~ 我地約咗時間就唔洗排, 等一等就有得影~~
影相時, B仔媽放咗B仔係個backdrop前, B仔懶型咁一手禁住塊板, 個樣Cool cool地咁, 好似唔知發生乜事咁, B仔媽係相機旁拎住佢至愛個部車仔引佢, B仔笑住咁行埋黎個相機度添呀~~ 唔知個攝影師哥哥有無影到B仔咁開心嘅表情呢?!
影完相, 有個姐姐就黎問B仔媽B仔身高幾多, 都無度真係唔知, 就問着幾碼衫, 幾號鞋! 問個姐姐幾時會知入唔入到圍, 佢就話最快monday應該會知!
之後B仔爸話B仔影緊相時, 企係佢隔離個女人係咁讚B仔企得好有型, 仲讚咗三次添~~ hehe... B仔爸講返俾B仔媽聽時, 表情係沾沾自喜咁架~~
跟住同B仔去咗地下個層飲奶, BB餵奶室爆棚呢~~ 飲飽就係個度玩, 個度有3個甲蟲嘅物體俾小朋友捐入去玩呢~~ B仔見個哥哥玩, 笑到卡卡聲呢~~ 行埋一田超巿就回家LU~~
訂閱：
意見 (Atom)