第一次參加朋友仔生日會

30.8.2008

今朝瞓醒等埋B仔爸放工, 同埋婆婆太婆姨婆一齊去咗食上海婆婆!

食飽飽就出佐敦去護協買奶樽, d奶樽都就黎用咗成年啦, 打算同B仔轉晒用Chuchu! 其實無諗住去, 但有時間, 點知無帶惠氏member card, 諗住搵有護協証既朋友, 點知講member no.唔得, 結果, 有位好好人o既MaMa幫我買呢~~~

買完奶樽就去大角咀君匯港參加哈哈哥哥生日派對! 今次係B仔第一次參加朋友仔o既生日派對呀!

去到Tanya姐姐, 洛洛哥哥都到咗! 第一時間梗係去地墊度玩下玩具先啦!!!

哈哈切埋蛋糕, 我地成班BB就去咗會所入面個遊樂場玩! 嘩... 呢個遊樂場好正呀! 有波波池, 有車仔坐...................

B仔入到去個波波池, 隻眼好似發光咁, 多麼的興奮啊~~~ 係咁執波掉! 其他BB都好乖, 唔會爬黎爬去, 最多爬一兩步, 但B仔就四圍爬, B仔媽同B仔爸都唔理呀!!! 

爬爬下又攬住呢舊嘢左行右行..........

見到Daniel弟弟坐車坐得咁過癮, B仔都唔輸蝕, 又駕下車先得! (辛苦B仔爸要推B仔四圍走, haha.....)

跟住又四圍爬, B仔爸放咗B仔係個類似波o既嘢入面, B仔媽就係出面叫佢, 佢不知幾興奮!

B仔確實勁...............曳呀!!! 自己爬上個嘢度...............

仲要係上面玩拱橋(掉轉版)........... 真係笑C我地囉~~

玩玩下聞到陣臭味..... B仔拉咗屎呀!!!!!!!!!! 又去咗搞清潔!!!!!!!!

食埋蛋糕5點半就返屋企lu~~ 因為B仔在太眼瞓啦, 但又心嘢唔肯瞓!

B仔: 哈哈哥哥, 生日快樂~~~ 祝你健康快樂! 心想事成! 好似我咁越大越曳! haha..........

請投古靈精怪B仔一票! 謝謝!

一係唔參加, 一參加就要盡力!

排緊第二位既B仔有對手呀!!!

有位BB後來追上, 同B仔票數睇齊呀!!!

第一位仲相距成六十幾票, 確實好難追呀!!!

未投票既朋友

請幫幫手, 請投"眼仔碌碌組"

C00415 -- 古靈精怪B仔

http://event.ibnest.com/posters/vote/3

謝謝!

特別嗚謝維納斯契媽呀! 佢好落力咁幫B仔拉票呀! 佢比B仔媽仲緊張呢~~ 緊貼票數行情呀!!!

謝謝你! 維納斯契媽!

舊曆一歲牛一

29.8.2008

今日係B仔舊曆生日! B仔爸要返工, 無特別慶祝!

B仔媽本來想買個大壽包俾B仔, 之但係............... 返工忙到呢! 仲要OT! 返到婆婆度都八點幾啦~~ B仔仲想瞓搞添呀~~

見到B仔媽, 梗係瞓唔着啦! 咁多日無見喎~~

等B仔媽陪B仔睇書書先!

睇咗一陣書又玩.......

玩完一輪梗係食啦~~ 婆婆俾包包B仔食!

十點左右B仔就瞓覺覺豬lu~~~~

做咗表哥仔!

27.8.2008

好嘢!!! B仔今日做咗人地(堂)表哥仔呀!!!

B仔媽急不及待放工就去做代表睇BB!!!

呢個就係表弟仔啦~~~ 同B仔出世時一樣, 重7.6磅! 勁!

BB全程都係瞓瞓瞓! haha...... 初初B仔媽唔敢抱佢架, 畢竟佢咁細, 同埋係人地BB麻~~ 但係都係受唔住誘惑, 抱住呢個姪仔一陣呢!!!

又黎投票啦~~ 唔該晒!

各位姨姨, 叔叔, 姐姐, 哥哥,

請投我張B仔一票丫~~

記得tick   C00415

http://event.ibnest.com/posters/vote/3

tick埋我朋友仔柏滔丫~~  C00412 

(咁啱大家兩隔離, haha.....)

每人每次只可以投一次票架咋~~

仲要一部機只能投一次!

一次過tick晒至好遞交呀!!!

快d叫埋d老友記一齊投票啦!!!

謝謝!

又一新絕技

24.8.2008

今朝B仔爸放工返到黎B仔仍瞓到豬仔一樣! 瞓到11點都仲未願起身, 當然8點幾時醒過飲奶, 結果俾B仔媽嘈醒, haha......

我地去咗沙田行街, 又去咗snoopy世界! 一入到去B仔又係度大叫......

之但係太晒啦~~ 影咗一個公仔B仔爸就叫走lu~~ 唯有下次再去!

行完街就返娘家! 舅父仔尋晚釣魚釣通宵(成日都釣通宵真好氣呀!), 今朝晨早九點幾打黎叫我地返去食飯, 釣咗條三斤幾嘅魚喎!!!

嘩....... 條魚確實好巨呀~~~~~~~ 又鮮又甜, 啖啖肉, 好味呀! 可惜食飯時B仔瞓咗啦, 條魚清晒至瞓醒! 唯有下次叫舅父仔再釣條大魚俾B仔食啦~~

食飽飽, 睇奧運閉幕, 唔太出色, 反而B仔表演新絕技仲出色! 全家人嘅視線都望住B仔呢~~ haha............

笑C我地囉~~~ 成晚係咁做個咁嘅動作! 無人教, 無啦啦係度做, 應該想學自己企係身囉~~

柏滔家訪

23.8.2008

B仔爸返工, 今朝瞓醒同B仔玩, B仔媽扮狗仔叫, 引到B仔笑到卡卡聲, 仲笑到瞓咗係張床度呢~~ haha..............

瞓醒梳洗好, 食飽奶奶就帶B仔去見嫲嫲! 仍然見到喪喊........... 嫲嫲又對住B仔講: 大過仔返黎住, 係呢度讀書!.................. B仔媽唯一可做就係唔出聲, 唔想再發言, 晒氣!

坐咗一陣就走人, 約咗柏滔媽媽食tea, 跟住上咗黎一齊玩玩具! 兩個BB差七日大咋~~ 之但係, 雖然坐埋一齊, 但各有各玩! 隔離飯可能香d, 兩個BB係度爭玩具, 爭完玩具爭書睇, 真搞笑呢~~

同佢地影相, 一個望鏡頭時另一個就唔望

至合拍咪就係一齊睇電視囉~~ 幾一致!

你地兩個反斗星係度搞乜呀?!

咪就係一人拎住一個波, 一個勁拷門, 另一個就勁拷地下囉~~

柏滔多d上黎玩啦~~ 大家都可以有個玩伴呀! haha......

Yeah~~ 無啦啦多日假!

22.8.2008

多得鸚鵡訪港, B仔媽多咗日假陪B仔! Yeah!

等B仔爸瞓醒兼食飽早餐就回娘家接B仔回家, 婆婆真係呢個世上最好既媽媽, 仲幫B仔媽買埋餸呢~~~~

有日係玩具開倉買咗d玩具, 呢個轉轉轉就係其丄個戰利品! 大拿拿十蚊雞! haha............

玩到樣子幾趣怪!

B仔媽食緊嘢, B仔扭計要食, 個樣幾衰......

食飽飽, 玩一陣就白白豬! 家陣肯用洗頭帽啦~~

同狗仔傾下計先~~

嘆埋支奶覺覺豬lu~~

好耐無煮飯啦~~

12.8.2008

嘩...... 都好耐好耐無煮飯呀!!! 放工同B仔爸去街巿買餸~~ 屋企附近個街巿, 真係無乜嘢好買! 放工時間更甚....................................

是日晚餐有:

蒜蓉蒸茄子 (正! 好香呀! 不過臨蒸前放咗醬汁至醒起有粉絲, 結果無放到墊底!)

水蛋蒸桂花魚 (雖然蛋嘅賣相奇差, 但好味呀! d鮮魚汁漏咗落蛋度一齊食, 好好味! 之前係樓下某間茶餐廳食飯, 試過蛋白蒸桂花魚, 人地蒸得好靚架, 所以咪試下囉!)

呢餐買咗四十幾蚊呀!!! 好味呀!!!

張B仔11個月大啦~~

10.8.2008

張B仔11個月大啦~~

今朝一早同婆婆、太婆、太嫲和叔婆一齊飲茶!

飲完茶, 閒逛咗一陣就返婆婆家! B仔媽同B仔下晝去咗公園玩咗陣呢~~

去完公園就白白豬! 沖完涼, 舒服晒~~

11個月大嘅B仔有乜進展?!

1. 20磅左右

2. 扶住d嘢四圍行! 鬆手可以企兩三秒, 行到兩三步!

3. 叫佢名唔應人! 鍾意就望你一眼, 唔鍾意望都唔望當你無到! =.="""

4. 依然好自我!

5. 繼續鍾意玩車轆! 對會轉嘅嘢好有興趣!

6. 唔鍾意人地鍚佢面或咀! 會一把打埋黎或者推開你! Good!

7. 依然係超級爛玩精

8. 拖住識行上樓梯, 自己由sofa "sir" 落地, 但腳仔未夠長"come"嘢!

9. 依然唔多講嘢, 係咁Mum Mum, 一係就大叫, 一邊叫一邊拍個咀!

10. 鍾意掉嘢! 一拎上手唔鍾意就掉, 拾返俾佢又黎掉過, 越掉越過癮!

11. 一句講晒, 好naughty!