又進步咗~~

27.5.2008

雖然去咗短短三日旅行, 但呢三日, 無同B仔講過電話(雖然佢都唔識講, 但聽下B仔媽把聲都好丫), 因為漫遊貴麻~~ hehe..... 日日都好掛住B仔呢~~ 日日都同B仔爸講: B仔唔知點呢?! 係度搞緊乜呢?!

今日放工就咋咋臨同B仔爸一齊返娘家睇下個寶貝B仔!

無見幾日, 又進步咗! 識得扶住張床仔自己企係度! ......

都幾危險呀!!! 床仔未校返底, 以B仔嘅百厭程度, 好易"中"落地呢~~

B仔爸咋咋臨將床仔校到最底! 咁就安全晒~~~

今晚B仔爸終於拎咗部車仔俾B仔玩, 其實佢仲未識玩, 腳仔又未夠長, 但都係俾佢試下! 部車仔係B仔大姨媽俾架!