1 Mar 2008
今朝趁B仔睇醒, 咋咋臨餵佢食糊仔, 食飽飽就起行去元朗辦特區護照同回鄉咭!
本來打算以呢個造型去街街, 臨出門口前醒起鈺霖媽媽話影証件相唔好着白色衫, 於是臨出門口前同B仔換過件戰衣去街街! 
諗住睇下現場有無籌派, 點知................... 白行一趟!
係入境處隔離有間影証件相嘅店, 橫掂去到, 影埋至走!
真係麻煩! 特區謢照(左)同回鄉咭(右)d相片要求都唔同, 要影兩輯! 呢兩輯兩分鐘即有嘅証件相真係貴呀~~
B仔件衫仔有頂帽, 個伯伯問可唔可以除咗B仔件衫, 但佢裡面個兩件係底衫仔, 點除?! 結果就要拉底D頂帽黎影!
兩個証件都辦唔到, 於是約咗翠思小姐食lunch兼逛咗一陣, "咩"住B仔嘅我, 返到屋企膊頭痛到丫~~~
去飽街兼瞓飽兼返到屋企嘅B仔幾開心...... ^ ^
天氣好熱, 返到屋企同B仔除衫衫, 準備白白豬...... 呢個BB, 都唔多似BB樣, 唔知以為佢好大個!
洗完白白嘅B仔!
同B仔着過頭笠嘅衫時, 影咗呢張咁搞笑嘅相~~ Haha...... 
趁B仔睡一睡傍晚睡, B仔媽要咋咋臨沖個靚涼, 抺個靚地, 煲個靚糖水, 正當想煮個靚麵做晚餐時, B仔瞓醒咗................ 唯有安撫下佢就煮個靚麵食!
今晚煲咗紅豆沙湯圓糖水等爸爸返黎食! 爸爸好夜至返到呢~~
你俾b仔食咩糊仔?我俾gerber baby food,其實糊仔係?
回覆刪除[版主回覆03/04/2008 13:54:00]B仔食Babynat
佢呢隻糊仔用奶開, 有媽媽話糊仔係訓練佢地用匙食嘢喎~~
真係一d都唔似6、7個月, 不過無時無刻都咁可愛~
回覆刪除好美味的糖水呀!
回覆刪除下次事先上網 book定位先去攞 特區謢照同回鄉咭啦，因為元朗係特別多人排隊既，你係無可能早過d阿婆 ，因為佢地天光就去幫屋企人排隊 所以walk-in一定無位 ，上網攞定籌就穩陣好多 。 ( 回鄉咭) 如果想慳時間 ，最好選下午4時左右 ，因為5時職員要收工 ，所以唔會等太耐。記住帶齊文件去 ，同埋 ( 回鄉咭) 要有心理準備會有非常多人中途打尖........... 嬲都無謂
回覆刪除[版主回覆03/04/2008 13:51:00]唉......... 回鄉咭多國內人拎! 我個次見有個人帶住個我諗出世幾日嘅bb去拎添呀~~
件灰藍色衫仔拉高好睇d~
回覆刪除b仔對眼珠好黑, 好似蝌蚪咁, 好可愛! (b仔媽, 開估利是未呀?)
[版主回覆03/04/2008 13:52:00]個攝影伯伯話要拉低條拉鏈, 所以咪搞成咁囉~~
我仲未得閒拆利是
你申請左回港証未呀?
回覆刪除第一樣係要申請回港証. 有先可以申請其他証架
[版主回覆03/04/2008 13:49:00]唔駛喎~~~
我申請回鄉証同特區護照都無話要回港証明!
係呀! 上網book定位啦! 我都剛剛同我個女book左下星期去攞回鄉卡&回香証呀! 咦! 我未攞特區護照喎! 係咪應該攞定呢?? 不過佢咁細個, 我又未必帶佢去旅行喎!
回覆刪除[版主回覆03/04/2008 13:47:00]無打算拎回港証呀! 因為我同事話返香港用passport都得, 同埋申請passport會申請埋身份証架~~
好溫馨le~ hehehehe! B仔既表情多得很呀... 好可愛!!!
回覆刪除[版主回覆03/04/2008 13:48:00]hehe...... 好辛苦就真! "咩"到我cc下!
係既咩?? 即係我用回鄉証回國內, 用特區護照回HK呀! 係咪真係得架, 點解我唔知既??
回覆刪除係既咩?? 即係我用回鄉証回國內, 用特區護照回HK呀! 係咪真係得架, 點解我唔知既??
回覆刪除[版主回覆03/04/2008 14:02:00]我同事係咁同我講架~~~ 佢仲話去澳門要用passport返hk架! 我都唔知係咪真呀~~ 既然係咁, 梗係攞passport啦!
B仔影證件相個樣果然好正經喎~^^~
回覆刪除我都係喺元朗拎架. 不過我係上網book. ee~張師奶, 你係元朗區居民?
回覆刪除[版主回覆03/04/2008 20:43:00]唔係呀~~ 北區居民!
我乜鬼都無幫小瑜拎啊
回覆刪除一排冇過黎，B仔好似唔同咗咁..個樣大個咗~
回覆刪除張師奶你同B仔扮「得得B」咩？
[版主回覆03/05/2008 22:25:00](Empty)