嘉道理農場半日遊

24.3.2008

一個字~~ 正!!!!!!

今朝B仔爸收工, 跟住一家三口落樓下飲茶, 好耐都無飲過茶啦~~~~~~

飲完茶, 見天朗氣清, 趁住咁好天氣, 一於去郊遊一番! B仔嘅第一次呢!!!

去咗邊?! 咪就係嘉道理農場囉~~~~

12點幾去到, 原來個度車位得幾個, 仲要事先打電去登記至有得泊, 先到先得, 我地無事先登記, 又咁晏至到, 梗係無得泊啦~~ 咁點算?! 咪唯有泊係對面路邊囉! 要去嘅朋友, 揸車的話, 最好就事前打個電去登記定先!

入場每人交低10蚊入場費, B仔咁細唔駛, 跟住三個人浩浩蕩蕩進場~~

醒起有shuttle bus直上山頂, 咁唔駛孭住B仔行上山麻~~ 點知................

原來要拎飛, 派完就無, 先到先得  我地咁晏, 梗係無飛啦~~ 咁唯有孭住B仔四圍行!

第一站去咗睇超級大肥豬, 真係超級肥呀~~~ 隻隻攤晒係度午睡, 睡到不醒豬事添呀! 非常搞笑! 其間有隻豬醒咗企咗係度, 但個籮柚對住我地, 條尾fing下fing下, B仔就係咁望住, 呆咗~~

之後四圍行, 睇下蜥蝪、小鱷魚、野豬、雀仔、魚仔....... 沿路好多花花草草樹樹, 空氣又清新, 感覺好舒服呢~~

一邊行, 一邊睇, 行下行下原來都行咗上山, 雖然有點辛苦(因為孭住B仔), 但都係值得, 因為感覺好舒服, 好耐都無去郊遊啦~~

孭住嘅B仔, fing下fing下之下, 睇完d超級大肥豬佢就瞓到豬的一樣!

B仔就嘆爆, B仔媽同B仔爸就行到出晒汗! 我地行得慢, 行下又停下又睇下又抖下, 行咗差不多一個鐘左右, B仔爸就話唔好行啦~~ 可能有排至行到大瀑布同山頂! 但我話應該差唔多到山頂, 佢就話要咁兜咁兜, 應該仲有成粒鐘行, 嘅然佢咁講, 咪唯有行返落山!

呢個時候B仔仍然瞓到豬的一樣!

落山時行咗另一條路, 真係好似行山咁, 中途見到馬騮住個巨籠, 見到我地望緊佢, 就老遠坐係我地面前, 好似想食嘢, 見無就兇我地

望咗隻馬騮一陣就繼續行, 行到落去就見到好多花, 好靚...........................

又大又靚棵嘅西芹~~

期間仲要俾隻好討厭嘅蜂蜜摟黎摟去, 即刻攬住B仔扮晒無嘢咁行快幾步搣甩佢! 搣甩咗佢就摟B仔爸, haha.....................

行到去花園度坐底, B仔爸開奶俾B仔食!

呢度就係開餐環境~~

等食奶嘅B仔

之後我地就去咗上水廣成冰室食茶餐同紅豆冰, 好耐無飲過佢嘅紅豆冰, 對上一次馱住B仔去, 跟住就無去過, 好懷念~~~~~~~ 真係正呀!!!!!!!!!!!!!!!!!!!!!!

食飽飽就返婆婆度啦~~ B仔媽聽日開始返工啦~~ 復活節就咁就完咗!

http://picasaweb.google.com.tw/szemanli712/JgLGUD

又打針

23.3.2008

今日自己湊住B仔去打肺炎鏈球菌第三針! 原本睇開個醫生放假, 由另一個醫生頂替, 好似叫溫啟耀醫生, 諗住都係打針遮, 個個醫生都識打架啦! 點知..............

入到去醫生間房, 見個醫生個樣有返咁上下老練, 心諗應該都唔會有問題...............

點知..............................

一入到去我放B仔係床度準備打針, 個醫生叫抱住B仔, 我話: 下... 唔係瞓係度打咩?! 不嬲都係瞓係度打架喎~~~ 結果, 都係瞓係度打!

跟住個醫生開針, 拆裝住支針個塊膠, meet極都meet唔到, 忟忟地叫個姑娘幫佢meet, 好啦~~ meet咗跟住又開唔到藥水個蓋(我估), 跟住又忟忟地叫個姑娘幫佢, 我心諗: 唔係麻~~ 好驚喎~~ 可唔可以唔打?! 對佢真係失去信心!

到打既時候, 支針都未抆出黎, B仔喊到拆天, 上次打6合1都無喊過, 個醫生真係呢~~~~~ 係咪冷血架?! 一d愛心都無既?!

B仔媽見到B仔喊成咁, 心到痛埋, 唉..................... 呢個衰醫生, 一句都無講! 咁無醫德就咪鬼行醫啦! 睇開個醫生有愛心好多, 如果B仔喊都會同佢傾下計, 氹下佢架麻~~

打完針就返歸, 同B仔白白豬, 同食奶奶! 白白豬完同B仔着衫時, 見到B仔針口瘀瘀地, 真係好嬲個衰醫生...............................

食飽飽既B仔, 瞓得幾甜~~

B仔d眼睫毛好長呀~~ 第時一定係超級大懶精黎!

好攰呀~~

22.3.2008

尋晚B仔媽終於有覺好瞓, 因為尋晚B仔爸自動請纓, 負責照顧B仔, B仔媽可以安心瞓! 同埋B仔今朝六點至嘈食!

今日落雨, 一家三口落樓下食咗早餐就返屋企!

無街去既B仔, 唯有係屋企呆下~~

玩下腳指~~

坐得幾咁直! 真係睇少兩眼都唔掂~~

B仔媽仍然頂唔順, 下晝都少睡咗一陣, 叉叉電之後, 真係精神為之一振, 生猛返d, haha......

是日晚餐............

生麵皇, 一人一碗

自包餃子 (饀料有韮菜、冬菇粒、紅蘿蔔碎、豬肉)

復活節假第一日

21.3.2008

B仔又凌晨四點嘈食奶啦~~~ 唉~~~ B仔媽又好似無瞓過覺咁! 雖然佢無兩個鐘嘈一次, 但B仔媽又擔心B仔"呼"被凍親, 所以瞓得唔霖~~

凌晨四點煲粥仔, 都係第一次! 餵完B仔食奶, 就放米放水去個電子煲度煲定個粥底! 跟住又繼續瞓~~

九點零鐘, B仔又瞓醒! 日日都係咁上下時間起身~~ B仔媽就起身準備粥仔俾B仔做早餐, 兼等B仔爸收工返黎~~

又係菜心肉片粥, 不過今次無攪爛d葉, 只係切碎d葉黎煲, 外觀好過尋日個碗, haha~~~

B仔依家 "i" 係搖搖椅度, 扶住椅既兩旁, 可以自己坐直係度呢~~

坐直之後就手多多, 無時停, 成日想推張凳, 想抓碗粥 =.="""

食飽飽就睇住書書等B仔爸返黎~~

B仔爸打波扭親腳, 所以一家三口邊度都唔洗去! 下晝去咗食tea, 之後B仔爸推B仔返屋企, B仔媽自己去買餸, 終於有返d自己獨處既時間, 鬆一鬆!

晚飯時候, B仔又係有得睇, 無得食!

B仔媽去買餸時, 都不忘去萬寧閒逛, 買咗盒牙仔餅俾B仔, B仔第一次食牙仔餅, 唔識自己拎住放入口自己食! 但點解個樣咁搞笑架?!

到臨瞓前, 又扭一大輪至上熟睡, 唉.......................

之但係, 瞓着都仲掂住個玩具?!

B仔媽都頂唔住, 要瞓囉~~

是日既晚餐有........

蘋果羅漢果雪耳煲瘦肉

薯仔栗子忟排骨 (唉... 忟嘢技術有待進步呀~~)

炒四絲(肉絲、冬菇絲、韮菜、紅蘿蔔絲)并油菜心

第一次煲粥仔

20.3.2008

尋晚好似無瞓過覺咁呀~~ B仔瞓下又醒下, 凌晨兩點幾又嘈兩聲, 跟住四點幾又嘈, 於是開支奶俾佢嘆下!

到朝早七點幾, B仔媽瞓到連B仔爸去咗返工都唔知, 淨係知瞓瞓下B仔爸俾我個手提我, 跟住我就瞓到不醒人事咁~~

到九點B仔就瞓醒, B仔媽當然無得繼續瞓, 起身餵奶俾B仔食, 跟住就同佢去街巿買瘦肉同菜心煲粥仔! 

第一次煲粥仔呢~~ 記得之前煲過一次粥, 係拍拖時B仔爸病咗, 去煲粥佢食, 但唔成功, 煲到粥唔似粥, 飯唔似飯,  兩個字形容: 難食! 煲粥咁簡單都唔成, 多麼的失敗啊~~

今次唔同啦~~ 第一次煲粥仔俾B仔食, 好成功呀!!!

菜心瘦肉粥! 首先我用飯煲煲咗個粥底, 跟住倒去個煲度, 加瘦肉片同攪爛咗既菜心葉, 用明火煲一陣, 等d粥杰d同爛d, 咁就成啦~~

咪睇B仔嘴"妙妙", 都幾正架~~

B仔媽煲得多得濟, 所以B仔食晒佢既粥仔, 其餘個d, B仔媽調完味就到我食~~ Haha...... 不過B仔媽唔多接受到青BB既粥仔!

夜晚B仔一邊食手指, 一邊玩腳指, 睇黎B仔好快就識啜埋腳指!

到臨瞓前, B仔發癲呀~~ 唔肯自己瞓, 抱佢又唔瞓, 抱住佢坐下又喊, 一定要B仔媽抱住黎行 =.=

最弊係抱咗成粒鐘都瞓唔着, 又無B仔爸幫手, 真係好辛苦, 好攰呢~~~

到最後, B仔可能喊得攰得濟, 係大床度碌碌下自己瞓着咗! 終於有得抖返下!

夜晚與B仔爸通電時, 講返今朝連B仔爸出門返工都唔知, 只知B仔爸無啦啦俾個手提我, B仔爸就話原來係個電話鬧鐘響, B仔媽襟熄咗之後, 一直拎住個電話唔放兼瞓着咗! haha... 原來發生d咁既事, 自己都唔知, 真係攰到失去知覺!

6個月健康發展檢查

19.3.2008

今日下晝要帶B仔去健康院, 所以下晝開始就提早放復活節假! (拎埋聽日假)

放工join埋爸爸就返娘家接B仔~~

尋晚放工去咗屈臣氏買咗盒小朋友口罩, 上面寫住for baby & child, 但就不適合18個月以下既BB用!

唔理啦~~ 家陣流感咁勁, 聽日去健康院咁多人, 都係戴定穩陣!!!

On the way to 健康院既B仔, 無無聊聊既B仔媽, 拎個口罩同B仔試戴......... haha........ 剛剛好~~~ B仔果然係大頭仔! haha........ 超爆笑呀!!!

去到健康院, 除咗姑娘們同埋一兩個識行既細路同埋佢地媽媽戴口罩, 其他都無戴!

B仔係全場唯一戴口罩既BB, 好多人見到都自言自語: 哦~~ 乜有BB口罩既咩?! (佢地唔係問我, 所以無答佢地)

正當我地影完相, 坐係隔兩個位有個男人竟然係度咳咗兩聲 =.= 雖然係得個兩聲, 但好心啦~~ 成場都係BB, 有大B有細B, 俾d公德心, 戴口罩啦~~

我同B仔去到健康院時, 見到天朗BB同埋佢爸爸媽媽呢~~ 天朗媽好勁! 我帶住口罩得返對眼佢都認得出我呀~~ 勁!!!

天朗BB望住B仔呆咗! 好得意呀~~

B仔今日磅有8.03kg, 無度頭圍~~ 自己度係大約46cm!

磅完重, 去咗睇video, 講關於點樣開始俾BB食糊仔粥仔, 同場一齊聽有3個BB(計埋B仔)

嘩~~ 坐隔離個BB好勁呀! 超巨B呀~~ 同佢媽媽傾咗一陣, 佢個B有12kg, 4個月時已有8kg, 真係勁呀!!!

而另一個B女一直係度大叫, 連姑娘都頂佢唔順, 由房走出黎同個媽媽講, 唔好俾佢成日大叫, 要"UM"下佢個口, 教下佢唔好時時刻刻都係度大叫! 真係咁都有既?!?!?!?!?!

之後就見姑娘, 今云姑娘好似問診咁, 問B仔識唔識得自己拎玩具玩? 我答佢識, 跟住佢就話: 我要睇下佢點拎! 之後佢就拎咗個玩具引誘B仔, B仔都好叻叻, 兩隻手伸去拎!

又問係佢耳邊俾聲音佢會唔會扭過去? 佢咁問, 我咪示範佢睇, 正當我想係B仔耳邊發聲時, 個姑娘阻止我, 仲話: 你答我就得, 唔駛做俾我睇! =.="""""""""""""""""

之後又問一日飲幾多餐奶, 食幾多安奶........ "問診" 完就叫我地抱B仔去床度坐住, 姑娘就旁住B仔, 俾玩具佢拎住, 睇佢坐唔坐到, B仔都坐都5秒左右, 跟住就左搖右擺兼向前中! 姑娘話正式試坐要係9個月至試, 依家食完奶就俾B仔坐一陣!

跟住又派下d資料我睇, 約下個期就返歸! 返歸前一家三口去食咗個tea先~~ hoho..................

夜晚, 拆咗之前買俾B仔玩個盒搖鈴俾佢玩, 成sofa都係, B仔好鍾意呢~~

B仔經我上個禮拜訓練之後, 終於識得轉身啦~~~

0709半歲生日會

16.3.2008

之前爭扎咗一輪, 好無去0709半歲生日會, 地點YMCA, 因為最近流感肆虐, 都唔多敢帶B仔去街街!

最後, 都係照去.......

去到就食食食! 跟住連2V媽同我相認都唔認得佢, 如果一早話係2V媽, 就一定記得! 搞到好尷尬添~~

左面嘅小美人就係2V媽嘅細囡囡啦~~ B仔, 你做乜又摸人呀?! 好似搭住小美人膊頭影相咁, Haha......

B仔扭計呀~~ 因為扭眼瞓呀~~ 跟住就瞓咗! 無玩到最快哈哈笑遊戲添~~

影大合照時, B仔醒咗! 幾震撼~~ 好多B仔B女呀~~~ 張B仔, 你响邊樹呀?????

臨離開前, 同另一小美人曉妤交流下先~~~

B仔係上次gathering一黎就摸曉妤隻手仔, 今次唔指摸手, 仲摸埋耳仔添呀~~

今日有好大袋贈品呢~~ 真係辛苦晒籌備今次生日會嘅媽媽們啊~~

應酬日

15.3.2008

今朝好busy~~ 晨早九點半起床, 同啱啱放工嘅B仔爸一齊食早餐, 食過早餐就去郵局寄信, 跟住陪爸爸去洗車, 然後去婆婆度接B仔!

B仔媽急不及待去咗娘家樓下個大門口等, 抱住B仔時, 一路行, B仔就一邊笑, 但無人撩佢架喎~~ 笑到好似個傻仔咁!

接咗B仔就順便車埋公公婆婆去上水, 因為佢地北常尋歡!

On the way home時, B仔係度望緊風景呀~~

睇睇下就瞓到豬的一様....... zZzZzZzZzZzZzZzZzZzZzZzZzZzZzZzZzZzZzZ........

之後就返咗屋企執埋B仔個奶粉袋! 因為B仔爸嘅堂家姐落咗黎香港玩, 要去沙田見下佢地~~

一去到, B仔扁嘴仔喊! 但過咗一陣就肯俾三伯娘抱!

食咗嘢之後, B仔爸同B仔媽帶咗B仔去玩具反斗城, 試坐一個類似學行車, 有4條彈弓係四邊掉住, 但成個嘢又唔行得, 放咗B仔落去, 佢係咁捉住d玩具, 又係度彈下彈下, 佢興奮時, 我地就覺得好搞笑, 覺呢呢舊嘢都幾正, 之但係...... 好貴呢...... $1699.9......

玩完之後, 就去咗B仔爺爺嫲嫲沙田屋企, 接佢地一齊去三伯三伯娘屋企, 等食晚飯!

去到爺爺嫲嫲屋企, B仔本來瞓咗, 我地一入屋, 佢嫲嫲好大聲咁叫B仔(唔係特登大聲, 係佢平時嘅聲浪都係咁), 嘈醒咗B仔呢~~

B仔望住佢嫲嫲, 喊到拆天呀! 望住又喊, 唔望又喊, 抱咗佢出屋又喊, 總之喊到唔識收聲! 嚇c B仔媽囉~~ 喊到連鼻涕都流埋............................ 唉................................ 跟住B仔睇到隻貓貓至唔喊咋~~

之但係, B仔嫲嫲又係度賴B仔爺爺老得濟, 搞到B仔喊..... 咁都得 =.="""""""""""""

搞到走都走唔切, 連嫲嫲都唔敢望佢, 驚B仔望到佢又喊到唔識收聲呢~~

同佢地食埋飯就回歸! 我地順便車埋B仔爺爺嫲嫲返屋企, 去到沙田佢至同我地講做乜去沙田, 佢話佢地返上水 =.="""""""""""""""""""""""""""""""""""

佢都無同我地講過仲係度同我拗, 話同我地講咗, 我同B仔爸都話無聽佢講過, 問佢同邊個講, 佢就話三哥都知, 我話你係咪同佢時我地仲未到呀?! (因為我地泊車, 佢兩老上去先) 佢就話返我地轉頭, 應該問佢地返邊度!  

丫.................... 當堂火都黎埋, 但又要忍住啖氣喎~~ 如果唔係, B仔媽又俾B仔爸話架啦!

返到屋企, 咋咋臨搵我嘅御用model影返輯相先啦~~ 唔係sell佢d衫呀~~ 係鞋仔呀! haha......

B仔有史以黎, 第一次咁夜沖涼(9點幾).............

洗完白白豬嘅B仔, 幾無儀態 =.=