返婆婆度

15-19 Oct 2007

為免媽咪周車勞動, 滿月後, 張先生返工前一日我同B仔都返娘家住, 今日係B仔第一次返婆婆度過夜呢~~ 同埋為咗方便睇傢俱同執屋, B仔都會係婆婆度住一斷時間!

好彩B仔唔識認地方, 反而係婆婆度仲乖d~~ 淨係食同瞓! 呢個仔果然係蝦我同張先生! 我地湊佢時就成日喊, 要人抱!

相反, 自己就唔多習慣, 因為張BB床未送到, 呢幾晚都同B仔同床, 張床又唔大, 好驚整到B仔, 所以瞓得唔多好! 瞓唔着就望住B仔瞓, 發現佢瞓着覺都成日郁黎郁去, 無時停!  而開夜班o既餵奶工作就展開~~ (之前唔係張先生就係媽咪做埋夜更)