27 Sept 2007
張B仔呢排唔知發咩癲, 每晚七點左右就開始扭計, 食飽又扭, 換咗片又扭, 抱一陣瞓着放低佢, 佢又即刻喊到拆樓,要B不離手至肯收手!
今晚真係頂佢唔住, 扭得實在太............... 利害, 怕咗佢, 塞咗個奶嘴俾B仔, 等佢安靜d瞓覺覺豬!
呢個就係第一次吮奶嘴o既張B仔啦~~
但吮咗唔夠5分鐘, B仔都未瞓霖, 就俾張爹哋拎走咗個恩物, 唉........................... 結果, 咪就係佢抱住張B仔等佢瞓霖囉~~ 睇黎第一個縱壞個仔o既人, 唔係B仔公公, 而係B仔爹哋! 
張先生真係有自唔在，攞苦黎辛呀~
回覆刪除哈~愛哭的bb, 真係好難照顧架, 我就係一個人版, 到而家廿到尾偶然d叔父輩都會攞返黎笑我, 有時我都會同男朋友講, 怕將來生左bb會有報應, 咁就慘lu, 喊到拆天
回覆刪除邊個爹哋唔錫自己仔女啊~
回覆刪除初出生既BB可能個肚仔有風都會扭計架, 試吓係個肚仔到順時針打圈令佢舒服Ｄ啦!
回覆刪除bb3個月大前都好大機會有腸痛...我小懷都試過因為肚痛喊過不停..抱都唔得..後來得高人教路, 買咗"吳德物次"腸痛水(俗稱:肥仔水)比佢飲之後問題就解決咗啦 不過如果係抱住就收聲可能係bb瞓唔著'lau'計多wor...
回覆刪除我個b果時頭3個月都腸痛勁咸架,都抱左3個多月,e+9個月大都唔會扭抱架,咁細個抱下唔驚咁快會縱壞到佢喎
回覆刪除吮奶咀好過吮手指呀！千祈唔好比佢吮到手指呀，唔係死都唔放奶咀都唔吮架！我咪係人版囉
回覆刪除我又係,俾佢啜左一分鐘都唔夠就唔啜啦~
回覆刪除我小豬五個月先用奶咀咋..
回覆刪除我真係覺得,奶咀簡直係世紀偉大發明之一
回覆刪除哄b仔訓覺時千祈唔好"un"佢"噯"佢呀~ 佢享受慣呢類"服侍"時, 第時佢唔un唔噯過都唔肯訓架, 到時都係煩到自己(因為有可能到佢十幾個月大, 有十幾廿磅都你抱住佢un, 好累~!!) 仲有啊, 老人家話bb訓覺時唔好錫啖佢呀, 會小器會唔乖架~ 搣/拍臉珠仔會流口水, 呢個好多人都知, 所以唔好試~ 仲有半個月咋, 張師奶要努力呀!! 我支持你!!!
回覆刪除張B仔應該係一個聰明仔, 因為佢十幾日人仔就已經識得扭計!!
回覆刪除一開左個頭就要一路俾佢吮落去.......唔知點解我bb好怪!!竟然唔吮奶咀淨係吮自己個咀仔!!都唔知係好定唔好啦
回覆刪除張師奶, 佢係唔係每一晚都係同一時間扭計, 如果係你有冇睇吓佢個肚仔, 可能佢肚仔唔舒服就會係咁.
回覆刪除哈哈, 好耐冇見, 一切順利嗎? 見到你個B咁精靈真係好開心, 由陀B到生B, 好似我地兩個B一齊大咁, 我同三少都好鍾意幫岳飛梳雞冠頭, 唔知兩個B放埋一齊, 會唔會似兩兄弟呢
回覆刪除唔知何解個個bb都一定要經過食奶咀這個階段呢?好像個個bb都知有奶咀呢樣嘢存在o禁，總之食咗就唔喊了，真奇怪。
回覆刪除