14 Oct 2007
張B仔啱啱沖完涼, 精神爽利呢~~
B仔就好啦~~ 日日有得沖涼洗頭! 而我就淨係可以沖涼!
大拿拿24日無洗過頭啦~~ 今日第25日, 終於頂唔順, 去咗髮型屋洗頭!
咁多日無洗, 若果自己洗真係有排洗兼自己要慢慢 "R", 俾人洗都係36蚊, 瞓係度洗之餘仲要有人幫你 "R", 零舍舒服~~ 加上髮型屋d風筒勁過家用果d, 吹乾都快d~~
入到髮型屋第一時間同佢講家陣坐緊月, 個姐姐仔果然快手, 洗又快, 吹頭又快~~
洗頭時至尷尬, 洗咗兩次連個姐姐仔都嘩咗一聲~~ 佢話要洗多一次至得! 
有人服待都要洗成3次(再加一次護髮素), 自己洗咪有排至洗得乾淨?!
洗乾淨個頭果然零舍舒服~~ 爽呀!!!
臭死人拉~36蚊洗3次好抵渦~
回覆刪除我第二日就洗頭了
回覆刪除同你洗頭個阿姐真陰公 坐月都可以洗頭，不過要同薑皮煲水或煲咗嘅暖水洗！洗完即吹乾就ok~
回覆刪除我就真係頂唔順，唉!我慣咗日日洗頭，如果到時無得洗真係唔知點算。
回覆刪除[版主回覆10/24/2007 00:07:00]我平時都係日日洗架~~
勁呀! 你真係可以忍到咁耐呀! 我呀媽話要12朝先可以洗頭我都係度驚緊呀! 你仲可以忍到25日, 好野!!!!!
回覆刪除[版主回覆10/24/2007 00:06:00]都唔駛驚啦~~ 家陣天氣乾燥又有風, 涼涼地都可以好多日唔駛洗! 我果時天氣都無依家咁涼爽都頂得住, 應該無問題!
真係咁忍得既 臭屎
回覆刪除嘩....勁呀...你真係可以忍到咁多日呀.....我諗我忍唔到呢...
回覆刪除點解你可以忍到咁耐啊, 我出院0個日已經0係醫院洗埋頭先走, 實在佩服佩服
回覆刪除