23 Sept 2007
呢個熟睡中o既寶寶, 已經14日大, 但仲甩緊皮, 成面毛毛~~
今日B仔o既Candy姨婆、姨公、檸檬姨婆、大B姨婆同埋兩個表舅父黎咗探佢! 仲買咗一箱尿片俾B仔添~~ 真係多謝晒!
其實有個疑問, 我媽咪個細妹(即我亞姨)個仔(即我表弟)究竟B仔應該叫佢表舅父還是表叔??? 我就認為係叫表舅父, 但亞姨就話係表叔! 
同埋我姨丈B仔應該叫姨公定丈公呢?! 呢個就真係唔知! 佢地就話叫姨公!
最搞笑係, 個個都仲算好後生, 但因為B仔o既出現, 個個升晒級, 變晒"亞公亞婆" .......
張師奶既表弟..當然係表舅父喇! (表叔係你老公既表弟呀) 其實姑丈.姨丈..咩丈... 你張B仔都係叫"丈公"
回覆刪除係呀...鼠鼠既答案係啱架.... 我而家都搞唔清楚d親戚既稱呼!!!!= =""
回覆刪除hehe...我都唔識喎, 太複雜喇!
回覆刪除你表弟, B仔應該係叫佢表舅父~~, 丈公係你daddy 個姑姐~即係你叫姑婆, 佢老公你先係叫佢丈公喎~
回覆刪除係表舅父呀~好簡單！你細咪係B仔嘅舅父！叔叔係爹地嘅細佬嘛！
回覆刪除表舅父，俾ｄ時間親戚啦，等到ｂ仔識叫佢地時，就接受到佢地係亞公亞婆啦
回覆刪除好開心見到你大肚到生B仔...又一日一日長大...真替你高興
回覆刪除表舅父le~ 我屬於大家族家庭呀~ 親戚太多唔知叫咩~ 問我一定知呀~ haha~
回覆刪除我媽咪個細妹(即我亞姨)個仔(即我表弟)究竟B仔應該叫佢表舅父還是表叔??? =======> 應該係表舅父 我姨丈B仔應該叫姨公定丈公呢?! =======> 應該係姨公
回覆刪除應該係表舅父啦, 因為媽媽0個邊叫舅父, 爸爸0個邊先叫大伯、叔叔之類 我諗係叫丈公, 我屋企都係咁叫, 姨公好似好怪呀!(姨婆就真係叫姨婆既~)
回覆刪除張b仔個鼻仔好高喔~~
回覆刪除我家姐個女叫我D呀姨姨丈叫姨婆同姨公架
回覆刪除我屋企係叫姨公架~丈公....好似怪怪地~!
回覆刪除謝謝各位~~ 關於姨公同丈公呢兩個稱呼都有人話咁叫, 真係...... 還是等當事人話事, 想點叫就點叫!
回覆刪除LALA 說 丈公係你daddy 個姑姐~即係你叫姑婆, 佢老公你先係叫佢丈公喎~ 你咁得意既...? 你講既例子意思咪即係同我既意思一樣囉! = 張師奶既姑丈,姨丈. 張b仔都係叫"丈公"
回覆刪除應該表舅父啊~
回覆刪除無所謂啦! 個個都叫uncle咪得囉!
回覆刪除