小寶寶快d出世啦~~

31 Aug 2007

好多人都覺得巨肚孕婦會早產, 但係到目前為止, 都仲係未有任何動靜! 放緊產假o既孕婦, 就快悶c~~~~~

好多嘢都準備好啦~~ 床仔砌好, 間屋執好, 衫仔洗晒, 床鋪又洗晒, 車仔又準備好, 奶樽又烚過, 走佬袋又執好............... 究竟仲爭咩未做所以小寶寶仲唔肯出世呢?!

 已經成日問佢幾時出世呀?! 不如今日出世?! 但係佢都仲係唔理我 .............

自從上次去廣華產檢之後, 每日都要記錄小寶寶郁第十次o既時間, 呢個懶惰o既小寶寶, 郁第十次o既時間一日比一日遲...........

 每日都要叫小寶寶唔好瞓啦~~ 郁多d啦~~ 今日仲爭x次至合格呀~~ 佢唔覺得好煩, 我都覺得好煩!

唔通呢個小寶寶懶到要催(生)至肯出世?????????????????

今日同張先生閒逛, 買咗兩件和尚袍仔俾小寶寶, 因為屋企個d都係同事俾, 雖然都有新未拆o既, 但都係覺得自己買返件俾小寶寶出院時着好d, 話晒出院全身o既衫仔都係Daddy媽咪買o既好~~

本來諗住買一件, 點知..................... 見十蚊一件, 好第, 又靚, 忍唔住買多一件! haha...

夜晚返咗娘家食飯, 同埋打算留宿兩宵, 因為張先生聽日要返工, 唔放心我自己係屋企呢~~