煮飯仔

30 Dec 2006

放假無地方好去(張先生提議去赤柱, 但太遠我又唔多想去...), 於是留係屋企睇<反斗車王>兼煮飯仔!

<反斗車王>都幾好睇, 幾搞笑, 唔怪得之咁多細路仔鍾意!

今日終於第一次用係工展會買o既電子煲, 感覺如何?! 用黎煲湯一流呀~~ 好入味! 好似用明火煲一樣咁正!

沒想到包湯包, 每樣材料得個D D, 仲驚會無乜味, 丫... 無想過煲出黎味道都幾濃! 連張先生都話d湯煲得好好味呢~~ 連煲湯d骨同肉都好易分開呢~~

仲有呀, 放咗八個飯碗水入去煲, 果然係唔會流失水份, 煲完仲有一大煲係度, 是晚得我同張先生兩個食, 結果, 張先生飲咗兩碗半大湯碗, 而我都飲咗兩大湯碗!!!

是晚餸菜有:

赤靈芝清熱降火湯(係工展會買)

冬菇雲耳紅棗蒸雞

油菜心 (大家唔好以為佢係一般o既菜心, 其實呢幾棵菜心, 起碼有成24cm高架! 但又好甜架喎!)